Lơ̆m kơsô̆ âu, 4.533 tŏ hnam hlôi man đang păng pơjao ăn kon pơlei, iŏk đei hlŏh 55% nơ̆r hơgăt. Kiơ̆ kơsô̆ chih jô̆, truh dang ei, lơ̆m dêh char Gia Lai đei 7 anih jang tơ̆ apŭng jang đang tơdỏng man hơmet hnam, sut pơđĭ hnam hiăh hiok ‘nŏh đei: Plt Pleiku, Thĭ xăh An Khê, Thĭ xăh Ayun Pa, dôm apŭng Đăk Pơ, Đức Cơ, Krông Pa păng Phú Thiện.

Gơnơm thoi noh, truh dang ei, tơdrong jang sut pơđĭ hnam hiăh hiok tơ̆ Gia Lai hlôi tơgŭm ăn hlŏh 4.500 unh hnam tơnuh, vă jê̆ tơnuh đei tơdrong arih xa sơđơ̆ng, atŭm hăm ‘nŏh pơjing hơyak tŏk ‘lơ̆ng ăn um ai tơring tơrang ‘nao, hơtŏk đon lui đơ̆ng kon pơlei hăm dôm trong jang, tơdrong tơgŭm đơ̆ng Đảng păng Teh đak.