Lêh pơlei Sen ‘nŏh jĭ tơdrong joh ayŏ kơ dŏ xoang gĭt kăl lơ̆m tơdrong arih xa găh jơhngâm đon kon pơlei lơ̆m teh đak pơma atŭm păng Nghệ An pơma hơdrô̆, vă tơƀôh jơhngâm đon pôk pơ ư, lui yom đơ̆ng hơdrĕch hơdrung hăm Ƀok Hô.

Tơ̆ gơmăng pơih blŭng Lêh pơlei Sen, Tổng Bí thư Tô Lâm kŭm hăm dôm kơdră chĕp kơ̆l Đảng, Teh đak, Kơdră chĕp kơ̆l Anih tơm vei lăng Công an, kơdră chĕp kơ̆l dêh char Nghệ An păng dôm bơngai tang măt pơgơ̆r kăt che et hơtŏk Rup man “Ƀok Hô vih ngôi tơ̆ pơlei”. Rup "Ƀok Hô vih ngôi tơ̆ pơlei" kơjung 12 mét, đei pơm hăm kong, ep hăm kơmăy ‘nao. Rup đei ming ƀât cham xă plei Sen – anih Ƀok Hô pơma nuh hăm kon pơlei lơ̆m 2 ‘măng vih ngôi tơ̆ pơlei sơ̆. Rup ‘nâu yoa Anih tơm vei lăng Công an hơpăh, đei man kiơ̆ rup Ƀok Hô vih ngôi tơ̆ pơlei sơnăm 1961.