VOV4.VOV.VN - Ong Trần A Sám daok di palei Đồng Tiến, xã Phước Tân, huyện Phú Riềng, tinh Bình Phước hu mikva dalam bhum thau tal oh lac urảng ngak mbang naih joi bo daok lac urang hu rilo rik daong ka bruk ngak pahal daong ka urang kan kathaot dalam palei.

Sa-ai Sity Hara, bangsa Cam, daok di xã Khánh Hòa, huyện Châu Phú, tỉnh AG lac kreih camin urang kumei bangsa takik abih hatai ka puk paga, ka rahra. Lac urang dalam Ban lambaok urang Islam tỉnh An Giang, sa-ai Sity Hara jak ba hu yaok pluh tỷ đồng piah daong ka urang kan kathaot hu tani tanat raidiuk saong daong prein ka yaok ratuh adei hu nao bac

Di rilo puk palei bhum atah bayah di huyện Simacai, tỉnh Lào Cai, dom kreh camin urang jakar ngak siam bruk jak ba hu ba mai jak jeng dalam patagok kinh tế, xã hội di puk palei, hu rilo urang pok meyaom. Kol drei hu thau rilo jang ka dom bruk ngak hu makna di dom urang jakar nan tapa kadha vak di urang vak Mạnh Phương:

Yaom lac rup pabhap sit sot min tuk halei jeng halain hatain daong ka rahra, saai Phan Bích Ngân, daok di quận Ninh Kiều, Ban Cần Thơ lac sa dalam 50 kreih camin dam dara jaoh jo hadah krah di taneh ia hadah mbaok meta hu Trung ương Đoàn, Trung ương Kapul dam dara Việt Nam pok mayaom dalam danak dak “pahadah prein khang Việt” thun 2022. Urang vak Hồng Phương, lac urang vak di rayo sap ndem VN daok di bhum taneran kraong CL hu kadha vak ndem ka kreih camin bak prein khang kham marat ini.

Patagok ilamu meng kan di bộ đội Wa Hồ, ong Nguyễn Thanh Tùng, urang dahlau deih ngak bol lin daok di palei Mỹ Thiện, xã Thạnh Mỹ, huyện Tân Phước, tỉnh Tiền Giang oh lac tari tarieng ngak bruk , patagok kinh tế boh sang, bo ong dok brei jiak 10.000m2, yaom yaok tỷ đồng piah patagok jalan mbak palei pala, rik dong padang ngak palei pala bahrau. Kadha menuac gheih bruk siam adit ni, daa mik va song tong abih gauk pang kadha vak di Minh Trí di mangaok mbao điện tử bangsa bhum ceik hu ndom ka urang dahlau deih ngak bol lin angan Nguyễn Thanh Tùng, brei taneh padang ngak jalan nao mai dalam palei.

Bruk urang nong ngak po yaok pluh, atau yaok ratuh héc ta taneh oh lac takik, min ngak po tal labaih 70 ha taneh pala glai meda lac tok hu ta-eng ong Võ Văn Ten daok di Tây Ninh. Kadha “menuac gheih bruk siam” adit ini, kol dahlak hu yaih khan kadha vak di Thanh Hương mangaok báo điện tử Thông tấn xã VN brei thau ka urang ngak nong lavik thun daok di Tây Ninh harei harei abih drei haong bruk pala phun glai, me-om hijao mbaok taneh di drei meng dom glai kayau quý caik veik ka anek taco harei hadei.

Labaih 24 thun ngak akaok mban ngak bruk Mặt trận KP. 2, phường Phước Nguyên (ban Bà Rịa, tỉnh Bà Rịa Vũng Tàu), amuk Nguyễn Thị Nga tuk halei jeng lac kreih camin ba akaok nao dahlau dalam bruk pacacah, abih drei kuhria ka raidik di bhap bini daok pak ini. Kadha manuac gheih bruk siam adit ini, daa mikva saong taong abih gauk ngak krein haong amuk Nguyễn Thị Nga tapa kadha vak di Thùy Hương, hu ba tagok mbao Bà Rịa Vũng Tàu.

Muk Sa y Dah, bangsa Chăm, dok di palei 4, xã Xuân Hưng, huyện Xuân Lộc (t.Đồng Nai) lac sa urang kamei bangsa takik gam ngak mbang pablei salih naih joi, gam abih drei ngak bruk pahla. Ngan saong muk Sou A Tah, hu dong ka menuac sia, abih di nyu nan lac mik va bangsa takik, lac bruk bui sambai prong . Kadha menuac gheih bruk siam, adit ni, daa mik va song tong abih gauk ngak krein haong urang kamei bangsa Chăm ni, tapa kadha vak di mangaok mbao Đồng Nai:

Meng hatai caong khin duah jalan nao bahrau ka phun la-u, anai kumei dara bangsa Khmer Thạch Thị Chanl Thi klaak ban raya gilac veik mai palei Trà Vinh padang bruk ngak mbang ngan haong dom pandap ia saradang meng bingu phun la-u, ba bruk ngak ka rilo urang piah daong ka urang hu raidiuk tani tanat jang. Kadha “Manuac gheih bruk siam” adit ini, khol dahlak yaih khan kadha vak di Tạ Quang angaok mbao Lao động khan ka urang kumei bangsa Khmer ini:

“Hu hatai sahneng glaong dalam bruk ngak, daok jaik taphia mikva puk paga saong lac kreih camin dalam bruk jak ba gheih di palei” – nan lac panuac di urang jakar saong bhap bini xã Thạnh Hòa, huyện Bến Lức, tỉnh Long An, tuk ndom ka Bí thư Chi bộ, Trưởng ấp 5, amuk Trần Thị Mí. Kadha “Menuac gheih bruk siam” adit ini, kol dahlak likau khan ka urang jakar abih drei haong bruk ngak tapa kadha vak di Kỳ Nam hu ba tagok báo Đại đoàn kết