Di bhum Đông Nam Á, bruk raong yến mek sruh di sang hu meng lavik mai, abih di nyu nan lac di Malaysia, Indonesia saong Thái Lan, dalam tuk di Việt Nam, bruk raong yến di sang bharau hu mboh meng akaok dom thun 2000. Yaom lac bahrau min bruk ini samar cakrok. Urak ini dalam taneh ia hu 8.304 sang yến, sản lượng thun 2018 hu jaik 68 tấn. Tui nan, Việt Nam daok yam tal bruk pablei tabiak negar lingiu tui jalan chính ngạch piah hu labik pablei khang kajap ka sản phẩm yến.

Tui harak pathau khan birau abih di BHXH Viet Nam, tal urak ini urang blei BHXH bắt buộc lac 14 triệu 500 ribau urang; BHXH halan hatian lac 295 ribau urang. Piah patagok samar bruk blei BHXH, tukvak tapa, gah BHXH hu peih ngak rilo jaln dui pachreuihurang ngak blei BHXH. Yau nan min, urang bei BHXH di gah ini urak ini biak suai damuai. Sahaneng lac, dom jalan ngak birau tok jak ba hu urang ngak min oh ka ginup prein dui pachreih?

Huế lac labik menek hu biak rilo văn nghệ sĩ hu angan, dalam nan hu Trịnh Công Sơn. Trịnh Công Sơn lac menuac biak naih gheih. Lingiu nhạc, ong ngak ariya, cih rup cih, đóng phim. Bruk halei ong jeng ngak hu, min gah âm nhạc ye Trịnh hu labik dang biak praong, meyah oh khin ndom lac oh salih hu dalam hatai urang takre nhạc. Baoh bilik sit angaok jalan Nguyễn Trường Tộ di Huế - labik ong haong sang di drei daok dalam rilo thun, hu rilo menuac thau tal ngan saong angan Gác Trịnh, oh ka tuk halei joa menuac mai ravang piah hadar tal ong.

Peih ngak Chỉ thị 05 di Mintri Chính trị ka bruk patui jalan jhul khang bac megru saong ngak tui jalan hadah krah di Hồ Chí Minh, di bhum bhap bini Raglai tỉnh Ninh Thuận hu mboh rlo kreih camin hadah ka bruk bac megru Wa meng dom bruk ngak cambaih laih. Tapa nan, hu daong ka bhap bini Raglai thau hu njauk jang dom yaom glaong siam mekre ka jalan sahneng, jalan diukrai hadah krah di Wa. Dom bruk ngak di dom urang ngak tui Wa hu daong ngak brei paglaong raidiuk, akaok sahneng, bruk ngak mbang, ngak huak di bhum bhap bini Raglai.

Wa Ho praong uranam di kol drei nao atah bloh min caik veik ka taong abih urang Đảng, taong abih bhap bini, taong abih bol lin drei sa bản Di chúc (1969-2019) biak hu yaom glaong.

Jiak 2 adit tapa di ban raya HCM, langik pandiak bhang dui atah ngak ka rilo uranaih njauk dom janih ruak jalan suak yava, jalan tung pruac hu biak rilo.

Urak ini, langik pandiak bhang tua riya dui atah lavik harei yau nan ye rilo taneh glai di tỉnh Tây Ninh daok mbuan apui khuah pakat 5 lac pakat biak nguy hiểm. Yau nan ye dom pakat, dom gah di tỉnh Tây Ninh daok jhuk pakhang bruk peih ngak rilo jalan pacang caga, paglaong jalan sahaneng pacang caga apui khuah glai di bhap bini,jeng yau brei langyah catang dom bruk ngak apui khuah galai.

Bruk dom amaik ame anek saih di Bắc Ninh jak gauk tame Hà Nội piah dut iek sán pabui kayua medil lac anek mbang pandap mbang oh hacih saat ngak ka manuac sia sahaneng mboh suh sah, pandiak hatai, abih di nyu lac dom amaik ame hu anek bac saong daok veik mbang huak di sang bac mboh oh sahanang hatai ka var mbang huak di sang bac. Dom tangi sua tabiak meng dom urang amaik ame lac ngak habar tui iek, duah thau tani tanat jang ka bruk khik pandap mbang hacih sa-at tuk ba tame giang ngak mbang ngak huak di sang bac.

Tỉnh Bình Phước daok dang anak bruk mbuan thu lagu kayua pandiak bhang tua riya lavik harei, ngak kan kandah tal bruk ngak nong jeng yau raidiuk bhap bini. Anak bruk yau nan, gah ngak nong tỉnh Bình Phước daok peih ngak rilo jalan piah palaih njiak khat lahik

Pachreih tui bilan dam dara ngan saong kadha “ Dam dara halan hatian daong bhap bini”, dalam bilan 3 ini, Kapol dam dara Rayo sap ndem VN hu peih ngak rilo bruk lagiah haong bruk di yaok đơn vị.