Jiak 7 bilan ni mai, quán lisei chay Diệu Thường dok dalam hẻm sit jalan Hoà Hưng, Quận 10, Ban raya Hồ Chí Minh bak menuac urang dang cang taduan lisei. Tuai rilo meng lac dom urang ngak kan kathaot. Bruk karei di abih di quán lisei jeng lac yaom meda hu … 0 đồng. Kadha vak hadei ni di urang pambuak bruk di rayo sap ndom Việt Nam hu khan tal quán lisei pabak ka urang kan kathaot ni.

Mbang ribuk ia sua meng bloh ngak dauk jaik abih dom palei angaok jalan tapen negar di tỉnh Đắk Lắk. Meng trách nhiệm saong hatai ranam di drei, dom urang jakar, urang lin Bộ đội Biên phòng pak ni oh huac kan kandah dong ka bhap bini di labik tapen negar samar nduac plaih ia sua, dong ka mikva tani tanat rai duik hadei di tuk ia sua tapa bloh. Kham merat di dom saai hu dong ngak brei khang kajap jang talei rohim quân dân. Urang vak Tuấn Long dok di Tây Nguyên hu kadha vak ndom tal bruk ni, daa mik va song tong abih gauk tui pang .

Ni lac mbang ka 5, Harei patom ilamu Thể thao song Du lịch bhap bini Chăm hu peih ngak praong pakat negar . Thun ni , hu mbaok di 12 tỉnh, ban hu rilo urang Chăm dok yau: Đà Nẵng, Quảng Nam, Bình Định, Phú yên, Khánh Hòa, Ninh Thuận, Bình Thuận, Đồng Nai, Tây Ninh, Bình Phước, An Giang song TPHCM. Kadha vak di Minh Triều- urang pambuak bruk song roya sap ndom Việt Nam brei thau ka bruk kuhria caga song hatai bui sambai di dom nghệ nhân, vận động viên dok di dom palei Chăm cong khin yaih khan brei thau dom ilamu di urang Chăm Ninh Thuận pak harei patom ini:

Pathau mik va song tong abih gauk! Dom thun jiak di ni bala di tuk ngak bruk rah tabiak gam gam lac bruk njauk báo động. Yaok thun, dalam negar hu yaok ribau bruk rah tabiak ngak ka rilo urang metai song njauk rambuac. Kurang thau, kurang kỹ năng, po doanh nghiệp oh pabak ginup pandap khik caga ka urang ngak lac makna ba tal bala di tuk ngak bruk. Piah patrun patakik bala di tuk ngak bruk, brei hu ba tangin tame ngak khang di dom gah chức năng. Tuệ Phương- urang pambuak bruk haong rayo sap ndom VN dok di ban raya Hồ Chí Minh hu kadha vak ndom ka bruk ni. Daa mik va song tong abih gauk tui pang.

58 thun dahlau, harei 10 bilan 8 thun 1961, urang negar Mỹ peih kapal haok camereip proi jru pametai phun kayau patau, pametai hareik rah tui jalan raya 14 meng Kon Tum tagok Dak Tô, peih akaok ka bruk “mesruh metak meng jru hoá học” di Mỹ pak Viet Nam. Nan jeng lac harei peih akaok di bala oh ka bhian mboh meng dahlau mai, bo mbiah tal harei ini bangsa drei jeng daok ndua naong.

Meng hatai kham merat palih ruah darak pasar, dui pachreih urang buh jien tame ngak mbang, tỉnh Bà Rịa -Vũng Tàu dak harei dak sami samar jang dalam bruk taom gaok dom po buh jien tame ngak mbang praong, ba pandar ilamu cong nghe glaong. Dalam nan, biak sangka tal dom po đầu tư gah pabah lamnge, dịch vụ hậu cần tapen tasik, du lich saong ngak nong tui jalan pandar công nghệ glaong saong jeng lac bruk praong di gah kinh tế bo BRVT tui ngak.

Di rilo labik hu padang jameng peih taneh piah ngak Danak dak padang jalan cao tốc meng Vĩnh Hảo tal Phan Thiết labik jalan nao tapa huyen Bac Binh, tỉnh Binh Thuan, dahlau diah oh hu phun kayau atau sang danaok halei, min urak ini mboh biak ralo “ bein phun pa-ok cao tốc”, atau sang danaok birau padang tagok.

Meng akaok thun tal ini, dalam negar hu labaih 105.000 urang njuak ruak pandiak tabiak darah, dalam nan hu labaih 10 urang metai. Ta-eng di bal raya HCM saong dom tỉnh gah meraong, manuac urang njuak ruak pandiak tabiak darah dak harei dak rilo. Dom gru jru hu khan brei thau dahlau, ruak pandiak tabiak darah Dengue mbuan ba tal metai lahik. Kadha vak di urang vak Kim Dung saong urang pambuak bruk Kiều Trinh daok di bal raya HCM hu khan brei thau bruk daok rah tabiak di Sang iek ruak Nhiệt đới – pasak iek ruak njaom mbak di gah meraong:

Meng 2 phun siro, sa baoh bein di Gò Công Đông, tỉnh Tiền Giang hu ngak jeng labik rivang main dulich nong nghiep. Bhum taneh puac kraong ia Mê Công njauk ngak brei pamedeih meng dom kaya kan di bhum palei meng tangin urang ngak nong padang tagok.

Phũm Soài, xã Châu Phong, ban sit Tân Châu, tỉnh An Giang lac sa palei hu angan haong bruk menyim khan bai di urang Cam daok di Châu Giang. Menyim khan bai lac bruk di rilo urang kumei Cam. Kadha vak di Thanh Huyền angaok Tạp chí Điện tử Thế giới Di sản hu daong ka kol drei thau cambaih jang ka palei ngak ini: