# Pathau mik va song tong abih gauk ! Hu panuac lac: “Baoh sang lac tế bào di xã hội”. Biak yau nan, tế bào baoh sang khang, siam ye xã hội meng siam, khang saong tagar veik jeng yau nan. Baoh sang lac sruh siam haniem phul; lac jalan ka anek bhik ngak jeng nhân cách anek menuac. Kayua yau nan ye, muk kei bhian kakei lac “Pato anek meng tuk daok sit”. Kadha vak hadei ini di Thạc sĩ Hoàng Thị Kim Hồng hu daong ka kol drei mboh cambaih jang yaom glaong bruk patao pakai di baoh sang ngan saong anek bhik:

Pathau mik va song tong abih gauk! Bilan hè ni, lingiu dom danak dak ngoại khóa, kỹ năng, dom amaik ame di ban raya HCM meda ba anek nao tal dom labik main sambai công cộng piah ba drei tame me-in haong rilo menuac tui yaok kadha. Bruk hu rilo mblang main dalam bilan hè hu dong ka uranaih hu palih ruah labik lagaih haong hatai takre song pren yava, patagok talei pambuak bruk haong boh sang song pabak dom ilamu kein, lagaih. Kadha vak di Mỹ Dung, urang vak di rayo sap ndom VN daok di ban raya HCM:

Pathau mik va song tong abih gauk: Dom thun dahlau deih, dom puk palei daok tapen tasik di huyện Tuy Phong, tỉnh Bình Thuận tuk halei jeng dang anak bruk nerak tachuak môi trường kayua nerak pataom veik jeng mbuk praong dalam sa tuk vak atah. Jiak di ni, meng kham merat peih bruk pataom mek hareik, môi trường di dom puk palei tapen tasik di của huyện Tuy Phong daok hu pasiam veik, langyah bruk nerak tachauk môi trường. Menuac sia dalam palei jeng thau sahneng jang ka bruk ba gauk tame khik caga môi trường di labik dok. Kadha vak hadei ini di Việt Quốc, urang vak di rayo sap ndom VN daok di ban raya Hồ Chí Minh hu yaih khan ka bruk ni, daa mik va song tong abih gauk tui pang. .

Pathau mik va song tong abih gauk ! Tal urak ni, bruk kuhria caga ka mbang pakacah Trung học phổ thông pakat negar thun ni di dom sang bac đại học di TPHCM hu blaoh blai. Dom sang bac hu pambuak bruk song Sở pato megru TPHCM peih bruk pakacah , dok veik dom sang bac karei daok caga ka bruk tagok jalan nao tỉnh iek thi. Lingiu di bruk caga labik, caga menuac, thun ni dom sang bac biak sangka tal bruk pasram megru piah khik caga siam di abih ka mbang pakacah prong ni. Dom asar kadha ni hu ndom tal dalam kadha vak hadei ni di Mỹ Dung, urang vak di rayo sap ndom VN dok di ban raya HCM

Pathau mik va song tong abih gauk: Yaok thun tal tabung glaong bilan du lịch, abih di nyu nan lac bilan hè, uranaih song maik ame ba gauk nao dom mblang tasik di tỉnh Bà Rịa - Vũng Tàu, karja pak ni njauk glaih glar pacang caga mblung ia. Piah hu sa bilan hè bui sambai, kein lagaih, dalam tuk menei ia tasik, bruk siam mekre salamad njauk caik hatai sangka dahlau di abih. Kadha vak hadei di ni di Nông Ngân angaok mbao Sài Gòn Giải Phóng hu ndom ka bruk ni :

Pathau mik va song tong abih gauk! Jalan Trường Sơn Đông nao tapa Đắk Lắk labik meng huyện Sông Hinh tỉnh Phú Yên pambuak hong 6 xã di 2 huyện M'đắk song Krông Bông pambuak pagam song huyện Lạc Dương di tỉnh Lâm Đồng atah 131 km. Akaok thun 2013, Karja buh tabiak labaih 2.000 ribau tỷ đồng piah tuh menyek song bê tông abih labik jalan nan tui tanut jalan pakat IV. Jalan nao mai prong ni hu dong ka bhap bini nao mai mbuan lagaih rik dong patagok kinh tế-xã hội, pabak pren khang ka dom puk palei padang ngak palei pala bahrau. Kadha vak di Tuấn Long, urang vak di rayo sap ndom VN dok di Tây Nguyên hu ndom tal bruk ini. Daa mik va song tong abih gauk tui pang

Tal tukvak urak ini, dom sang bac trung học phổ thông dalam bal raya HCM daok yam tame tukvak tabung glaong ôn tập piah kuhria caga ilamu kiến thức, kỹ năng ka anek saih khối 12 dahlau di mbang pakacah Trung học phổ thông pakat negar anak tal. Jaik abih dom sang bac jeng hu bruk parabha thí sinh pambak tui caong khin bo dom adei tut angan piah ba tabiak danak dak ôn tập cambaih laih ka yaok nyaom anek saih piah mek hu siam mekre glaong di abih. Dom asal kadha ini hu ndom tal dalam kadha vak hadei ini di Mỹ Dung, urang vak di rayo sap ndom Việt Nam daok di bal raya HCM:

Yaok thun di Việt Nam hu jaik 2.000 uranaih metai kayua mblung aia, glaong jang 10 mbang dut haong dom negar cakrok patagok saong labaih 5 mbang dom negar ASEAN. Dalam tuk nan, hatai saneng di menuac sia ka bruk pacang caga mblung aia daok biar, abih di nyu nan lac dom amaik ame. Kadha vak di Nguyễn Quốc angaok harak báo Sài Gòn Giải Phóng brei thau ka bruk pandik harao ini:

Bruk brei mesre laba glaong tame bak bhum palei dalam tỉnh Dak Lak ngak sraw kadau trak gah an ninh trat tu, ngak haduh hatai manuac sia. Meng panuac yaih khan lac brei mesre samar, mbuan, rilo menuac lah pachot kol brei mesraiy. Bloh hadei di nan daok dalam huac kanda, njauk nduac klaak sang danaok kayua kol nyu ba gauk mai kateik greik ndok sre ngan saong jien jung glaong angaok langik.