Klak tapa tuyến y tế cơ sở, tagok dom sang iek ruak pakat angaok piah iek saong jru ruak lac bruk meng lavik mai di bhap bini. Kayua yau nan ye, di Ban raya HCM, yaom lac hu padang pabak rilo sang iek ruak min bruk quá tải di dom sang iek ruak daok rah tabiak. Tukvak tapa, gah y tế ban raya pataom tame buh jien ngak balai y tế, salih birau saong pambuak bruk haong sang iek ruak pakat ngaok piah pachreih urang mai iek ruak di labik ini.

Tỉnh Bà Rịa - Vũng Tàu hu 5 huyện, bal tapen tasik lac TP Vũng Tàu, dom huyện Long Điền, Đất Đỏ, Xuyên Mộc saong Côn Đảo. Tukvak tapa, quy hoạch dom đô thị tapen tasik hu tỉnh ini roh duah saong peih ngak samu guak. Yau nan min, Bà Rịa - Vũng Tàu jeng oh ka mek hu yau hatai caong khin nan lac quy hoạch dom bal tapen tasik gam grap tanat cakrok patagok khang kajap, gam ngak jeng kadha biak karei di puk palei. Kadha vak hadei ini di Lưu Sơn, daok di bal ray HCM ndom tal asal kadha ini, daa mikva saong taong abih guak tui pang:

Thưa quí vị và các bạn! Bal raya HCM urak ini hu 48 labik mbuan glut jaleih daok di dom quận huyện yau: Nhà Bè, Cần Giờ, Bình Chánh, Thủ Đức, Bình Thạnh… Dalam tuk nan, bilan hajan ribuk daok mai tal saong bruk glut jaleih daok rah tabiak khang, bal raya HCM daok peih ngak rilo jalan piah pakhang pasiam dom labik glut jaleih. Kadha vak di Hà Khánh – urang vak di rayo sap ndom VN daok di TPHCM brei thau ka bruk nan:

Meng rilo thun ini mai, bilan aia ndik mai, gam ba tui phù sa pasiam ka bruk pala drak gam ba mai rilo janih kaya ikan dalam aia ka bhap bani di bhum taneran kraong CL. Yau nan min, thun ini yam tame bilan 8 blaoh, min aia di kraong Tiền saong kraong Hậu tuk halei jeng daok di tanut biar, dom dhar di 2 baoh kraong ini oh daok aia, ngak kan kandah oh sit tal bruk ngak mbang pala drak, abih di nyu nan lac, ngan haong dom baoh sang luac thun diuk rai ndam gam haong bruk taong mek kaya ikan dalam aia laik tame kan kandah. Kadha vak di Phan Ánh ndom ka bruk ini di dom puk palei daok akaok halau di tỉnh An Giang.

Daok tok jaik sa bilan tra tal Tết Trung thu saong ini jeng lac tukvak darak pasar har trung thu di TP.HCM daok chreih chrai tagok haong rilo janih ahar di rilo angan je karei di guak. Dalam nan hu rilo janih har “handmade”, hu ngak pak sang, yaom pablei lap nan ye hu rilo manuac urang blei mbang. Lệ Hằng, urang vak di rayo sap ndom VN daok di bal raya HCM hu kadha vak ndom ka darak pasar har Trung thu thun ini, gam haong dom suh sah ka bruk oh an toàn janih har “handmade”:

Brei daok jaik bhap bini, caik hatai tui pang panuac ndom, hatai caong di bhap bini piah tuk ba tangin tame ngak dom bruk cak rok patagok kinh tế meng ba mai kien laba. Ini lac dom bruk ngak hu ban sit Thạnh An, huyện Vĩnh Thạnh, Ban Cần Thơ peih ngak tui Di chúc di CT Ho Chi Minh. Tui nan, yaok urang jakar, urang đảng brei paglaong jalan sahaneng, paglaong bruk ngak di drei piah daong ka bhap bini ngak mbang cak rok patagok, patruh iek patrun kathaot khang khang kajap di puk palei.

Tỉnh Đồng Nai hu maong lac pasak raong pabui di negar drei, jit ruka pabui châu Phi tamuh tabiak meng bilan 4 tal ini, 1/3 trang trại di Đồng Nai hu ruak, dom pabui njauk ba nao am cuh klak tagok tal labaih 275.700 drei. Dalam tuk jit ruak tả pabui chau Phi oh ka hu jru vaccin caga ruak, jalan piah khik hu taphon pabui nan lac khik ka var ro hacih sa-at tui jalan sinh học. Saong piah ngak hu bruk ini, ye bruk lac di dom urang po var raong pabui.

Tuk vak tapa peih ngak Chỉ thị 05 di mintri Chính trị ka bruk bac megru song ngak tui jalan hadah krah siam mekre di Hồ Chí Minh, hu rilo kreik camin kapul nyaom, menuac urang song dom bruk ngak tantu cambaih laih, ba akaok nao dahlau dalam bruk chính trị song kinh tế, xã hội di puk palei… Nan lac dom menuac urang dok kham merat yam tapa kan kandah piah yam tagok, hu dom rik dong prong ka dom jabat, đơn vị, rik dong rilo tame bruk patagok di taneh ia. Kadha vak di urang vak Kim Thanh:

Chủ tịch Tôn Đức Thắng lac sa urang cộng sản hadah krah, sa urang pal akaok hu angan di cách mạng Việt Nam, daok gah công đoàn, Wa Tôn lac urang ngak camereip tabiak jalan padang công đoàn. Hadah mbaok meta tuk hu ndik tapui di angaok palei Wa Tôn, tuk vak tapa, gam song gah công đoàn, công nhân, viên chức, urang ngak di tỉnh An Giang hu padang Tổ chức Công đoàn khang kajap, dong ka An Giang patagok . Urang vak Phan Ánh hu kadha vak ndom ka bruk ni.

Dalam luac sajarah 74 thun, hu rilo urang jakar, urang lin CAND oh huac metai lahik, haok ralow darah, njauk rambus. Dalam nan tok kuhria meng thun 1986 tal ini, hu labaih 150 urang jakar, urang lin CSND hy sinh, jaik 1.000 urang njauk rambus atau njom mbak HIV dalam tuk ngak bruk. Tapa nan brei mboh bruk kan kandah di gah khik ramik sron mbon salamat ka puk paga, palei negar saong mesruh pacang kol tội phạm, ngak brei hadah jang bruk khang hatai oh huac metai lahik di urang lin CSND dalam tukvak bahrau. Kadha vak di Việt Hưng angaok báo CAND brei thau dom bruk, dom kadha ini