Meng hatung hatian di umo daok ranaih, dom y, bác sĩ Kapul gru jru ranaih umo tỉnh Đắk Lắk hu rilo mbang halan hatian nao tal dom puk palei atah bayah piah iek ruak, brei jru, alin hadiah pandap ka bhap bini. Yaok mbang nao nan lingiu di bruk caik veik dom siam mekre dalam hatai bhap bini, daok lac tuk piah ka dom bác sĩ ranaih umo pataom hu ilamu, mboh hu bruk di urang gru jru yau Yuan lac “lương y như từ mẫu”.

Dalam tuk ban klak Hội An, tỉnh Quảng Nam daok “quá tải” kayua hu biak rilo tuai damuai mai ri-vang ma-in ye Khu inem mek Mỹ Sơn, huyện Duy Xuyên jeng hu mbang tui kein laba biak rilo meng bruk pambuak gauk gah du lịch. Thun tapa, Khu inem mek ini taduan raok hu labaih 350 ribau tuai damuai mai rivang ma-in, jien mek tame hu jaik 60 tỷ đồng. Bruk bo karja saong gah chức năng labik ini sangka nan lac ngak yau habar piah khik takai tuai damuai daok suai lavik jang ngan haong Mỹ Sơn. Kadha vak di urang vak Hoài Nam saong Tuyết Lê, urang vak di rayo sap ndom VN daok di bhum kreh negar:

Oh thau adat hukum, kurang kỹ năng, kiến thức nan lac dua makna daok ba tal bruk rilo anek saih mbuan yam tame bruk taong paoh gauk dalam sang bac, xâm hại tình dục dalam tukvak urak ini. Kadha ini jeng brei mboh bruk mbuan phạm tội di uranaih sit vị thành niên. Tuk oh thau yau habar lac ngak suan adar hukum, umo halei njauk chịu trách nhiệm hình sự, rilo adei oh thau lac drei ngak suan adat hukum, oh thau lac bruk ngak nan meda palai pajoa harei hadei di drei. Kadha vak di Mỹ Dung, urang vak di Rayo sap ndom Việt Nam daok di bal raya HCM hu ndom tal bruk ini:

Labik khik ramik thiên nhiên Tà Cú, huyện Hàm Thuận Nam lac labik mbuan khuah glai dalam bilan thu di tỉnh Bình Thuận. Urak ini, glai pak ini biak mbuan si khuah, daok hu brei thau lac di cấp độ nguy hiểm. Kapul khik iek glai di labik bảo tồn ini daok hu mbaok khik iek luac harei melam, oh caik ka apui khuah abih dom glai tamo hu hệ sinh thái đa dạng quý giá di Việt Nam. Việt Quốc, urang vak di rayo sap ndom VN daok di bal raya Hồ Chí Minh hu kadha vak brei thau ka dom kham merat di dom gah dalam bruk pacang caga apui khuah glau:

Hadei di tukvak peih ngak iek mboh jeng di dom sang iek ruak, Mentri Y tế hu tacei dom cơ sở y tế dalam negar pandar bệnh án điện tử meng harei 1/3/2019. Ini lac sa jalan ngak ngan haong rilo tukvak, min kuhria meng harei ini dom sang iek ruak – abih di nyu nan lac sang iek ruak pakat 1 njauk paglaong hệ thống công nghệ thông tin piah peih ngak hồ sơ bệnh án điện tử tui njauk adat. Tui urang lambaok di dom sang iek ruak di bal raya HCM hu peih ngak iek bệnh án điện tử, bruk ini hu nao samu haong thời đại, min piah peih ngak, dom sang iek ruak njauk hu bruk kuhria caga ka tani tanat. Kim Dung, urang vak di Rayo sap ndom VN daok di bal raya HCM hu kadha vak brei thau ka dom ilamo saong dom siam lagaih di dom sang iek ruak nao dahlau dalam bruk peih ngak hu siam bệnh án điện tử di TPHCM:

Gah y tế tỉnh Bà Rịa –Vũng Tàu daok dang anak bruk kurang bác sĩ biak rilo, abih di nyu lac bac sĩ chuyên khoa, ngak kan kandah oh takik tal chất lượng, bruk iek ruak ka bhap bini. Tỉnh jeng hu rilo jalan ngak piah dui pachreih menuac brei ka gah y tế, min oh hu yau caong khin, lingiu di nan daok hu bruk bac sĩ padeih bruk, tapa gah y tế tư nhân ba tal bruk kurang bac si di gah y te karja dak harei dak tak.

Palei tasik Rạng, phường Hàm Tiến, ban sit Phan Thiết, tỉnh Bình Thuận danei angan lac bhum taneh biak mekre hu dom talei phun la-u mblieng rup binguk trun tapen tasik hijao. Min dalam tuk cak rok patagok du lich, kayua rilo bruk, taneh pala li-u di labik ini dak harei dak takik nao. Meng hatai khin khik ramik ilamu karei di bhum palei di drei saong cak rok patagok kinh te baoh sang, bahrau ini dom urang nong di labik ini hu pala li-u di taneh cuah, gam duah jien tame tani tanat ka urang nong, gam khik ramik thaot binguk siam gheih di bhum palei piah cak rok patagok bruk du lịch.