Cho kuăn má péa tung môi rơpo\ng pêi chiâk deăng a cheăm kơtiê ối tung tơring {uôn Đôn, kong pơlê Dak Lak, mê Vi Thị Tươi, hdroâng kuăn ngo Nùng, sinh viên kơvâ Y Đa Khoa, hngêi trung Đăi hok Tây Nguyên đi đo tơtro\ng [a\ mơ-eăm hriâm xêh. Vi Thị Tươi tối ăm ‘nâi, tơdroăng hriâm dêi kơvâ Y Đa Khoa ga hngăm, pá, pơtối ai hên tơdroăng ki pêi cheăng khât pá kong, tơdroăng tơkêa bro tung hriâm, xua mê tơdroăng axoa\ng chôu phut hriâm tơtro cho ki kal vâ tơniăn tơdâng tơ’mô pơla tơdroăng hriâm [a\ veăng pêi mâu tơdroăng cheăng viâ ki ê.

Ôh tá xê to hriâm rơkê khât, Tươi ối veăng pêi hên tung mâu roh pleăng dêi hnoăng cheăng, cho ngế ki tơru\m pêi tung Kâu la\k [o# ivá dêi hngêi trung Đăi hok Tây Nguyên, đi đo troh mâu pơlê a kơpong hdroâng kuăn ngo vâ pơtâng tối, hnê khe\n mâu tơdroăng xiâm kal athế rak vế ‘na ivá ăm kuăn pơlê; veăng hên tơdroăng cheăng xua hngêi trung tơku\m po, hên xôh veăng lăm pleăng hnoăng cheăng a rơnó pơtê hriâm [a\ kum tung rơnó tơ’noăng hiăng 6 hdroh pleăng mơheăm. Plâ 8 hneăng hriâm kố nah, Tươi đi đo châ điêm rơkê, cho sinh viên rơkê 5 tơdroăng râ hngêi trung. Vi Thị Tươi tối:

‘’Á tơmiât drêng tơná cho sinh viên mê tơdroăng hriâm cho kal khât, á kơjo pêi pro má môi. Laga á tơmiât bu to hriâm, hnê dêi pó túa ki rơkê tơtro mê tá hâi tu\m, pin thế hriâm mâu tơdroăng ki ê nếo, ki má lối cho hơnăm ối nếo cho hơnăm thế pleăng, thế pêi pro tâi tá hiâm tá mơno, xua mê á veăng pêi mâu tơdroăng ki pleăng mê á hlo tơdroăng rêh ối pin nếo ai pơxúa tâ, rêh tơtro tâ [a\ tơdroăng rêh ối drêng sinh viên gá ai tơdroăng ki vâ chôu vế hên’’.

Sinh viên hdroâng kuăn ngo ki rơkê kơhnâ

Rơpo\ng ai troh 9 ngế ngoh nâ o, mâu ngoh nâ pơrá lôi pơtê hriâm tơdế rá, thế pơtê hriâm sap ing ối ku\n, xua mê H’Uyên Niê, hdroâng kuăn ngo Rơđế, sinh viên kơvâ Hnê hriâm râ má môi, hngêi trung Kao đăng sư phăm Dak Lak thăm mơ-eăm tâ mê nếo vâ hriâm ăm tơtro vâ chiâng cô yăo. H’Uyên đi đo mơ-eăm hriâm tâp, đi đo rơkê hriâm tâi tâng mâu môn, điêm hriâm hneăng kố nah châ 3,84 (ối a râ điêm kơlo 4). H’Uyên Niê tối, hlo hên mâu vâi o ối ku\n tung pơlê xua tơdroăng rêh ối pá puât mê thế pơtê hriâm, á tơmiât rơhêng vâ re\ng klêi hriâm vâ vêh a pơlê, hnê hriâm mâu vâi o.

Pak^ng hriâm a lâm [a\ veăng pêi hên mâu tơdroăng Đoân ho#i xua hngêi trung tơku\m po, rêm roh vêh pôu a hngêi, ki má lối cho roh pơtê hriâm, H’Uyên pơtối veăng rơtế [ă pú hmâ droh rơtăm tung pơlê po lâm hnê chư ăm mâu vâi o ki ối ku\n. Kố cho roh kum H’Uyên châ pêi pro mâu tơdroăng ki tơná hiăng hriâm, xuân cho môi túa vâ kum mâu vâi o ối ku\n tung pơlê châ hriâm chư. H’Uyên Niê tối:

‘’Tơdroăng rêh ối trâm hên pá puât, hên rơpo\ng ôh tá ai liăn xua mê hên vâi o ối ku\n thế re\ng lo pơtê hriâm vâ kum cheăng dêi rơpo\ng hngêi. Á rah kơvâ hnê hriâm, má môi kố cho pói tơngah la ngiâ klêi kơ’nâi mơgêi lo hngêi trung mê kô lăm hnê vâ kum ăm rơpo\ng [a\ pơlê pơla, kô hnê ăm hok tro mâu tơdroăng ki tơná hiăng châ hriâm’’.

{a\ H’Iem Kpă, hdroâng kuăn ngo Rơđế, sinh viên kơvâ sư phạm Lịch sử, hngêi trung Đăi hok Quy Nhơn, tiô tơdroăng pói vâ [a\ hlối mơ-eăm đi đo. Rơpo\ng a tơring M’Drak, nôu pâ pêi chiâk deăng, tu\m 6 ngế ngoh nâ pơrá dế hriâm xua mê H’Iem thế tăng xêh liăn rêh ối drêng hơngế ing nôu pâ. Mơnhên tơdroăng hriâm cho kal, H’Iem hiăng xing xoăng chôu hriâm tơtro, mơdoh chôu lăm pêi cheăng tơ’nôm [a\ veăng mâu tơdroăng xua Đoân Ho#i tung hngêi trung tơku\m po.

Kơnôm mê, H’Iem đi đo rơkê tung hriâm tâp, hriâm rơkê [a\ điêm châ 8,1 [a\ cho sinh viên ki rơkê dêi khoa Sư phăm l^ch sưh hngêi trung Đăi hok Quy Nhơn tung hneăng hriâm kố nah. H’Iem Kpă tối ăm ‘nâi:

‘’Kơxo má a riu koi á hriâm, drêng hriâm ôh tá mot mê á ối pơtê, [a\ chôu ki toh ôh tá lăm hriâm a lâm mê á lăm pêi cheăng tơ’nôm môi tiah pêi cheăng a tíu tê kơphế, pêi cheăng a tíu tê sup. ‘Na veăng pêi mâu tơdroăng mê ki hên pêi a mâu hâi t^ng, á toh chôu xua mê á mơ-eăm pêi’’.

Maluâ ối trâm hên pá puât tung tơdroăng rêh ối, laga mâu sinh viên hdroâng kuăn ngo a Dak Lak đi đo kơdo mơ-eăm, châ tơ-[rê tung hriâm tâp. Rơtế a mê, mâu vâi o xuân kơhnâ veăng pêi tung mâu tơdroăng cheăng pơlê pơla, pleăng dêi ivá, tuăn rơkê, hnoăng cheăng vâ thăm mơhriâm ăm dêi tơná kum ăm pơlê pơla tíu mâu vâi o rêh ối, pêi cheăng./.

H’Xíu chêh

A Sa Ly tơplôu [a\ tơbleăng