Mơ̆ng akŏ thŭn truh kơ ară anei, ti čar Daklak mâo leh 3 anôk mâo klei ruă tưp ŭn ruă tian ô̆ eh ti kdriêk Čư̆ Mgar, lehanăn ƀuôn prŏng Ƀuôn Ama Thuôt, ngă leh kơ 56 drei ŭn ruă djiê, lehanăn ba bi rai jih. Mbĭt hŏng anăn, mâo 7 anôk mâo klei ruă khŏ kơ mnơ̆ng rông ti 4 kdriêk, lehanjăn ƀuôn prŏng Ƀuôn Ama Thuôt.

Anôk bruă ksiêm dlăng klei ruă tưp čar Daklak ăt hâo mdah kơ dua čô mnuih djiê kyua asâo khŏ kĕ.Ti anăp klei ruă tưp kơ mnơ̆ng rông, knơ̆ng bruă sang čư̆ êa čar Daklak mtă leh kơ dŭm alŭ wăl, dŭm knơ̆ng dhar bruă djŏ tuôm pral mâo hdră gang mkhư̆ klei ruă tưp kơ mnơ̆ng rông.Mta phŭn jing mghaih msir bi jih anôk mâo klei ruă tưp, lehanăn gang mkhư̆ anôk mrâo, pral ba bi rai jih mnơ̆ng rông mâo klei ruă, đŭ bi kmhal ktang hlei pô čhĭ mnơ̆ng rông mâo klei ruă, lehanăn mtrŭt brei tlŏ vắc-xin kơ mnơ̆ng rông pioh gang mkhư̆ klei ruă tưp./.