Ksiêm dlăng mrâo kơ sâm Ngọc Linh đru mđĭ kyar bruă duh mkra – ala ƀuôn čar Kon Tum
Thứ sáu, 10:54, 16/05/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê – Tlam mbruê (15/5), ti ƀuôn prŏng Kon Tum, Anôk bruă sang čư̆ êa čar Kon Tum mkŏ mjing Klei bi kƀĭn trông kreh knhâo “Dŭm hdră ksiêm hriăm mrâo kơ sâm Ngọc Linh – Boh tŭ lehanăn hdră ba yua”.
Klei kƀĭn trông bi mklă leh klei găl dưi mkra mjing êa drao mơ̆ng sâm Ngọc Linh, mkăp klei hâo hưn kreh knhâo hơĭt kjăp hlăm anôk bruă mdrao mgŭn, kriê dlăng klei suaih pral êpul êya lehanăn mđĭ kyar bruă duh mkra – ala ƀuôn mơ̆ng čar.
Hluê si Nguyễn Đức Tuy, Kơiăng khua anôk bruă Đảng čar Kon Tum, bi mklă klei yuôm bhăn lehanăn klei găl prŏng mơ̆ng Sâm Ngọc Linh, bruă Đảng čar Kon Tum mâo leh Hdră mtrŭn “Bruă duh bi liê, mđĭ kyar lehanăn mkra mjing ana êa drao ti alŭ wăl truh thŭn 2025, hnơ̆ng trah dlăng truh thŭn 2030”. Čar Kon Tum mâo mta kñăm truhknhal jih thŭn 2025 mđĭ kyar 4.500ha sâm Ngọc Linh, truh thŭn 2030 mâo 10.000ha sâm Ngọc Linh.
Viết bình luận