Thŭn anei mâo boh leh anăn ênoh čhĭ yuôm, phung pla vải ti Dak Lak dôk ti anăp klei hmăng hmưi mâo lu prăk mnga. Ênoh vải ară anei mâo phung hrui blei mơ̆ng 60.000 hlăm sa kg boh mta sa leh anăn hlăm brô 50.000 prăk hlăm sa kg boh mta 2.

Thŭn anei  boh vải mâo mơ̆ng 18  - 20 tôn hlăm sa ha, đĭ 1/5 mkă hŏng wưng êlâo. Kluôm čar Dak Lak ară anei mâo hlăm brô 3.000 ha vải bi kƀĭn ti dŭm kdriêk Ea Kar, Mdrak leh anăn Krông Hnang. Hlăm anăn mâo êbeh 1.600ha hlăk hlê mboh, đăo tĭng mâo 17.000 tôn.