Hŏng akŏ “Hiu dlăng Đà Nẵng 2025 - Mâo lu klei jăk siam”, hdră hưn mthâo kơ knăm mơak, klei jăk siam, mnơ̆ng dhơ̆ng hdră bruă mrâo leh anăn hdră đru mdul jăk snăk kơ tue hiu čhưn tơdah truh ti Đà Nẵng hlăm thŭn anei.

Hlăm anăn kƀĭn hlăm 2 hdră yuôm bhăn, tue hiu čhưn srăng dưi sưn klei đru mdul kơ hdră bruă msĕ si amâo mă prăk hiu čhưn dlăng ti đa đa anôk hiu čhưn ênguê; bi hrŏ mkrah wah ênoh blei yua hdră bruă dôk jưh, hlăp mbul ti đa đa anôk hiu čhưn ênguê mơ̆ng anôk bruă hgŭm hlăm klei mđĭ kyar. Tán Văn Vương, K’iăng Khua Knơ̆ng bruă hiu čhưn ênguê ƀuôn prŏng Đà Nẵng brei thâo, kwar Krah - Lăn Dap Kngư jing sa hlăm 3 anôk phŭn mơ̆ng Đà Nẵng mđing hlăm dŭm gưl mđĭ bruă hiu čhưn ênguê hlăm thŭn anei.