Dak Lak mkŏ mjing hruê knăm kpŭng đung hŏng êwa čuh wưng hruê 30/4 – 1/5
Thứ năm, 10:36, 17/04/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV4.Êđê- Ƀri wưng knăm hruê 30/4 leh anăn 1/5 thŭn anei, phung tuê hriê ti Dak Lak mâo klei găl dưi phiơr ti dlông čư̆ čhiăng hlăm Hruê knăm kpŭng đung hŏng êwa čuh thŭn 2025, mkŏ mjing mơ̆ng hruê 1 – 3/5 ti să Krông Ana, kdriêk Ƀuôn Đon.
Hdră mĭn tĭng mâo 12 kpŭng đung, hlăm anăn mâo 10 boh kơ phung tuê lông đĭ leh anăn 2 boh rang mdah ti wăl tač hruê 10/3 (ƀuôn prŏng Ƀuôn Ama Thuôt). Grăp gưl phiơr mơ̆ng 5 – 10 mnĭt hŏng boh dlông 50m, ênoh čih hră đĭ mơ̆ng 140.000 – 800.000 prăk. Mĭn tĭng srăng mâo 1.500 hră đĭ.
Êngao kơ bruă phiơr, phung tuê lŏ dưi nao hgŭm hlăm dŭm hdră dhar kreh – mnơ̆ng ƀơ̆ng jăk, klei kdŏ mmuñ mơ̆ng alŭ wăl. Čar lŏ mkŏ mjing dŭm mta bruă dhar kreh, mjuăt asei mlei msĕ si klei tông čing, ênhiang mmuñ êlan dơ̆ng, rang mdah rup, dŭm mta mnơ̆ng ƀơ̆ng phŭn...Mkŏ mjing wăl hiu čhưn ênguê jăk mơak, jiă kma knhuah gru Lăn Dap Kngư.
Viết bình luận