Aê Sa (73 thŭn) mbĭt hŏng êpul Ƀuôn Driah, să Čư̆ Nĕ, kdriêk Krông Ƀŭk, čar Daklak hriê hŏng êpul nao tông knah, ayŭ đĭng năm lehanăn mñê Ei Rei. Aê Sa lač mơak êdi ƀuh klei bi hdơr 50 thŭn mâo mblah dưi Buôn Ma Thuột lehanăn knăm mơak kphê Ƀuôn Ama Thuôt tal 9:“Hriê hŏgn knăm mơak kphê Buôn Ma Thuột jing mơak êdi, lehanăn grăơp blư̆ mâo wưng mkŏ mjing snei, êpul hmei kreh bi mguôp nanao. Mbĭt hŏng êpul mda asei hđeh êdam êra bi hur har tông čing kram, čing knah mơak mđrăm mbĭt hŏng knăm mơak kphê. Hmei jing phung khua thŭn leh, lŏ mtô bi hriăm kơ čô anak kriê pioh knhuah gru dhar kreh pô. Truh tinei ƀuh jing mơak mñai, mâo lu klei bi mlih leh êdi mkă hŏng êlâo, hlăm ƀuôn sang pô msĕ mơh. Klei hdĭp mda đĭ kayr hĭn leh, boh mnga mnơ̆ng pla mjing msĕ si kphê, tiu, ksu mâo ênoh sơăi, blei êdeh yuôm, blei mprăp mnơ̆ng mrâo hlăm sang, jih jang mnuih bi mơak mñai sơăi”.

Knăm mơak kphê Buôn Ma Thuột tal 9, mkŏ mjing mơ̆ng hrue 9 truh hrue 13/3, hŏng 17 mta bruă phŭn. Knăm mơak anei jing klei mpŭ mni kơ bruă kphê, lehanăn lông hiu dlăng kơ dhar kreh kphê, pŏk klei myun klei bi hgŭm mđĭ kyar, bi êdah “Ƀuôn Ama Thuôt jing anôk truh mơ̆ng kphê tar rŏng lăn’./.