Blŭ gĭt gai klei bi kƀĭn, Khua êpul bruă hâo hưn leh anăn čung ba mnuih ƀuôn sang gưl dlông Nguyễn Trọng Nghĩa mñă ktang, hlăm wưng êgao, Đảng, knŭk kna ba mdah lu hdră êlan kơ bruă djuê ana, klei đăo.

Dŭm gưl bruă Đảng nah gŭ bi klă dŭm hdră êlan, hdră mtrŭn mơ̆ng Đảng kơ bruă djuê ana, klei đăo, rơ̆ng kơ dŭm djuê ana mtăp mđơr, bi mguôp, bi mpŭ, bi đru hrăm mbĭt đĭ kyar. Khua êpul bruă hâo hưn leh anăn čung ba mnuih ƀuôn sang gưl dlông Nguyễn Trọng Nghĩa mñă hlăm wưng kơ anăp, dŭm alŭ wăl kñăm kriê dlăng, mđĭ hnơ̆ng klei hdĭp, ai tiê kơ mnuih ƀuôn sang dŭm djuê ana, kơ phung đăo, boh nik ti dŭm krĭng taih kbưi, knông lăn, plao ksĭ, krĭng dleh dlan, kriê pioh, bi lar dŭm boh tŭ dưn knhuah gru dhar kreh jăk siam mơ̆ng dŭm djuê ana mnuih djuê ƀiă.