Anei jing bruă ngă hlăm Hdră “Hâo hưn, mtô bi hriăm, đru kơ phung mniê hgŭm msir mgaih dŭm bruă ala ƀuôn djŏ tuôm kơ phung mniê wưng 2017-2027”. 

Mơ̆ng êbeh 7 thŭn pŏk ngă hdră bruă, ti Dak Lak mâo leh êbeh 1,2 êklăk čô mniê leh anăn phung amĭ ama mâo anak ti gŭ 16 thŭn mâo mkăp klei thâo kơ klei čiăng êdi brei djă pioh leh anăn mtô bi hriăm knuih hdĭp, klei thâo hlue ngă hdră bhiăn, kơ klei mtô bi hriăm jing amĭ ama, klei thâo, bruă klam phung mniê hlăm bruă rơ̆ng doh êƀăt mnơ̆ng ƀơ̆ng; gang mkhư̆ klei ngă jhat hlăm gŏ sang. Phung bi ala hrăm mbĭt bi trông, kah mbha  klei thâo, gru hmô jăk, hdră ngă tŭ dưn mơ̆ng dŭm gưl êpul hgŭm hlăm bruă hâo hưn, mtô mblang hdră bhiăn; ktuê dlăng klei ngă hlăp, boh sĭt hŏng video mâo dua klei blŭ Yuăn - Êđê.