Dŭm hruê êgao, dŭm alŭ wăl hlăm čar Dak Nông mđrăm mbĭt rŭ mdơ̆ng leh dŭm pluh boh sang đru kơ mnuih ƀuôn sang dleh dlan. Čar Dak Nông gĭr ktưn truh ti mlan 9 srăng msir lăm êbeh 540 boh sang êjai, sang tĭ ƀrôč. Hluê si hdră, hlăm thŭn 2025, čar Dak Nông srăng rŭ mdơ̆ng 540 boh sang mrâo kơ dŭm gŏ sang ƀun, giăm ƀun, gŏ sang mnuih djuê ƀiă lehanăn gŏ sang knŭk kna dlăng ba. Grăp gŏ sang rŭ mdơ̆ng mrâo dưi đru 60 êklăk prăk.

Ênoh prăk hluê ngă hdră anei êbeh 32 êklai prăk. Mơ̆ng akŏ mlan 3 truh kơ ară anei, dŭm alŭ wăl ti čar Dak Nông mđrăm mbĭt rŭ mdơ̆ng leh êbeh 30 boh sang đru kơ dŭm gŏ sang dleh dlan kơ sang dôk. Čar gĭr ktưn truh ti mlan 9 srăng ngă leh bruă msir lăm 540 boh sang êjai, sang tĭ ƀrôč./.