VOV4.Êđê - Hrue 29/12, K’iăng khua lăn čar Võ Thị Ánh Xuân djă akŏ êpul ngă bruă nao cuă, lehanăn mdup brei mnơ̆ng kơ dŭm gŏ êsei knŭk kna dlăng ba, gŏ êsei ƀun, hđeh mâo klei hdĭp dleh dlan ƀri wưng Tết Nguyên đán Quý Mão năm 2023 ti kdriêk Văn Lãng, čar Lạng Sơn.

VOV4.Êđê Mđĭ lar knhuah lĭng kahan Awa Hô “Lač mnuih ƀuôn sang thâo, ngă mnuih ƀuôn sang đăo knang”, Knơ̆ng gĭt gai lĭng kahan ƀuôn prŏng Sơn La, čar Sơn La pŏk leh gru hmô “Hrăm mbĭt đru kơ yang ƀuôn lehanăn phung hđeh nao sang hră”. Mơ̆ng anăn, đru kơ mnuih djuê ƀiă bi h’ĭt klei hdĭp, boh nik phung hđeh dleh dlan.

VOV4.Êđê- Gưl Tết Nguyên đán Quý Mão 2023, Knơ̆ng bruă sang čư̆ êa čar Dak Lak srăng pioh 76 êklai prăk čiăng mđup brei mnơ̆ng kơ dŭm čô mnuih, êpul hgŭm êdah êdi. Dŭm êbâo hnư mnơ̆ng đru kơ gŏ êsei ƀun, giăm ƀun dưi mđup brei hlăm gưl anei.

VOV4.Êđê- Tlam mbrue 27/12, khua knơ̆ng bruă sang čư̆ êa čar Daknông mâo leh mmông bi blŭ hrăm hŏng phung ngă lŏ hma, êpul hgŭm bruă kñăm ruh mgaih djăp mta klei dleh dlan, gun kpăk kơ phung ngă lŏ hma, êpul hgŭm hlăm čar.

VOV4.Êđê- Ti Hà Nội mrâo mkŏ mjing Klei kƀĭn mjuăt bi hriăm hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă, krĭng čư̆ čhiăng wưng thŭn 2021-2025.

VOV4.Êđê- Knơ̆ng bruă mnuih mă bruă, kahan êka êkeh leh anăn yang ƀuôn čar Dak Lak ksiêm dlăng leh phung dleh dlan čiăng mâo klei đru hlăm wưng Tết Quý Mão 2023 leh anăn akâo brei đru brei braih kơ êbeh 18.000 gŏ sang, hŏng êbeh 67.674 čô mnuih ƀuôn sang.

VOV4.Êđê- Pŏk ngă Hdră “Êlan klei pui dăng kông leh anăn măi tính kơ adei”, bruă sang hră čar Dak Lak mtrŭt mjhar, iêô mthưr dŭm klei găl ala ƀuôn đru brei čiăng blei 14 êbâo măi tính kơ phung hđeh hlăm gŏ êsei ƀun.

VOV4.Êđê-Ară anei, dŭm Phŭn, dhar bruă, êpul êya mơ̆ng gưl dlông truh kơ bruă Đảng, sang čư̆ êa lehanăn dŭm êpul bruă ti alŭ wăl pŏk hluê ngă tŭ dưn dŭm hdră bruă djŏ tuôm kơ phung mniê lehanăn phung hđeh. Mơ̆ng anăn, phung mniê lehanăn phung hđeh mnuih djuê ƀiă ƀrư̆ mđĭ klei thâo săng, bruă ngă, đru mkŏ mkra wăl anôk êđăp ênang kơ pô.

VOV4.Êđê - Hlăm grăp wưng hƀuê ênuk, hdră êlan djuê ana mơ̆ng Việt Nam dưi mbŏ, mkra mlih kñăm ngă djŏ klei čiăng boh sĭt leh anăn klei đĭ kyar lăn čar. Boh nik, wưng mlih mrâo, klei bhiăn, klei mĭn kơ bruă djuê ana lŏ dưi bi mklă leh anăn mbŏ kñăm mđĭ lar klei găl čiăng mđĭ kyar bruă duh mkra- ala ƀuôn krĭng mnuih djuê ƀiă leh anăn čư̆ chiăng.

VOV4.Êđê- Kyua mâo hdră êlan, mâo ai dưi duh bi liê leh anăn klei sa ai mơ̆ng mnuih ƀuôn sang, anăn jing kliăng pŏk klei tŭ jing kơ bruă bi hrŏ ƀun. Bi hŏng mnuih ƀuôn sang jing mnuih djuê ƀiă hlăm dŭm alŭ wăl kluôm ala ăt msĕ sơnăn mơh, hŏng ai tiê thâo khăp, thâo pap, klei hdĭp mnuih ƀuôn sang mâo leh lu klei mlih klă nik.