Tinăn phung đru ba jao leh ênoh prăk đru rŭ mdơ̆ng 1.200 boh sang kơ dŭm gŏ êsei ƀun, dleh dlan hlăm čar Sóc Trăng, grăp boh sang mâo đru hlăm brô 50 êklăk prăk, pioh mkra jar sang lehanăn tăm čuôr. Phŭn bruă kahan ksiêm jao kơ anôk bruă răng mgang klei êđăp ênang bruă duh mkra mbĭt hŏng knơ̆ng bruă kahan ksiêm čar Sóc Trăng kiă kriê, hgŭm kjăp hŏng bruă sang čư̆ êa alŭ wăl rŭ mdơ̆ng bi leh 1.200 boh sang êlâo kơ hrue 2/9/2023.

Ƀri bi hdơr 78 thŭn hrue mkŏ mjing lăn čar 2/9 srăng bi klin, ba jao sang rŭ mdơ̆ng anăn kơ dŭm gŏ êsei ƀun hlăm alŭ wăl. 5 thŭn êgao, čar Sóc Trăng mtrŭt mjhar leh klei bi mkrum đru ru mdơ̆ng 5.200 boh sang kơ mnuih mâo bruă tŭ dưn, gŏ êsei ƀun mâo klei čiăng kơ sang dôk. Siămdah, kluôm čar ăt adôk êbeh 15.000 gŏ êsei ƀun, êbeh 26.000 gŏ êsei giăm ƀun, boh nik, mâo giăm 7000 gŏ êsei dleh dlan hĭn êdi kơ klei sang dôk./.