Thŭn 2024, hdră djuê ana mâo jih anôk bruă kđi čar dŭm gưl mđing gĭt gai, bi hgŭm pŏk hluê ngă mbĭt hŏng klei gĭr mơ̆ng mnuih ƀuôn sang dŭm djuê ana, bruă hluê ngă hdră djuê ana, hdră mtrŭn djuê ana hlăm thŭn 2024 đru mđĭ kyar leh bruă duh mkra – ala ƀuôn. Hnơ̆ng đĭ kyar bruă duh mkra ti dŭm krĭng mnuih djuê ƀiă lehanăn krĭng čư̆ čhiăng đĭ, hlăm anăn krĭng Yŭ Dưr kah knar 8%, Lăn dap kngư kah knar 7,5%, Yŭ kwar Dhŭng 7%.

Hlăm thŭn 2025, dhar bruă djuê ana mtrŭn leh 12 bruă klam phŭn. Hlăm anăn, mđing čih mkra lehanăn bi leh dŭm hdră êlan, hdră mtrŭn djuê ana, mjing klei bi mlih kơ hdră, hnơ̆ng tŭ ngă bruă hlăm dŭm Hdră kñăm ala čar. Blŭ ti knăm anei, Kơiăng khua knŭk kna Nguyễn Hoà Bình mtă kơ dŭm êpul mđing djăp klei găl mâo hluê ngă dŭm hdră ala čar kñăm, phŭn jing Hdră ala čar kñăm krĭng mnuih djuê ƀiă – krĭng čư̆ čhiăng lehanăn Hdră bi hrŏ ƀun hơĭt kjăp./.