VOV4.Êđê - Mrâo anei, brua\ Đoàn êdam êra sa\ Vụ Bổn, kdriêk Krông Pa], ]ar Daklak bi hgu\m leh ho\ng Êpul ba ana\p Tây Nguyên iêu mkrum mguôp ru\ mkra sa boh kban kơ mnuih [uôn sang ga\n êrô ti alu\ Thanh Sơn. Kban điêt [ia\dah mâo klei tu\ yuôm pro\ng, đru kơ klei ga\n êrô plah wah 2 sa\ Vụ Bổn, kdriêk Krông Pa] lehana\n sa\ Êa Ô, kdriêk Êa Kar dưi ga\l êlưih, êđa\p ênang h^n hla\m yan hjan êa lip lê].      

Alu\ Thanh Sơn, să Vụ Bổn, kdriêk Krông Pa], ]ar Daklak mâo 190 go\ êsei ho\ng êbeh 700 ]ô mnuih, 6 djuê ana dôk hd^p mda. Hlăm brô mlan 9 truh mlan 11 grăp thu\n kluôm alu\ Thanh Sơn leh ana\n du\m alu\, [uôn riêng gah khăng mâo klei êa lip bi ktlah dôk hja\n ho\ng nah êngao. Klei êrô êbat, du\ mdiăng mnơ\ng mă mơ\ng lo\ hma hlăm alu\ wa\l anei jưh kơ sa boh kban ngă ho\ng kyâo bru\ leh găn hnoh êa  Rơ\t. Bohnik gơ\ hlăm yan hjan, êa lip đ^ pro\ng, êa đoh êtăng ngă kơ klei găn êrô mơ\ng mnuih [uôn sang hlăm kr^ng leh ana\n phung hđeh hriăm hră hu^ hyưt êdi.

Klei m’ak mơ\ng mnuih [uôn sang alu\ Thanh Sơn, să Vụ Bổn leh kban mrâo ngă mkra rue# leh.

Kyua dôk kbưi ho\ng wa\l krah să 12 km, klei êrô êbat dleh dlan, anăn mnuih [uôn sang hlăm kr^ng akâo brei anak aneh nao sang hră dôk ti să Êa Ô, kdriêk Êa Kar. Grăp blư\ truh yan êa lip, kluôm alu\ ruah mă mnuih dôk gak 2 nah ako\ kban kyâo ]ia\ng ata\t ba tu\ drông phung hđeh hriăm hră. Mrâo anei, brua\ Đoàn êdam êra să Vụ Bổn leh ana\n Êpul bruă ba ana\p Tây Nguyên mko\ mjing leh bruă iêu la] du\m êpul bruă đru bi mguôp prăk duh bi liê ]ia\ng nga\ mkra kban [ê tông găn hnoh êa  Rơ\t. Hluê si Lương Xuân Ớ, khua alu\ Thanh Sơn, kban khă gơ\ điêt [ia\dah mâo klei tu\ dưn pro\ng:

“ Mâo klei mđing dlăng mơ\ng du\m êpul bruă đru brei ti ana\p mta dưi mâo leh kban găn êrô, ana\n klei hd^p mda mnuih [uôn sang [rư\ hruê [rư\ m’ak h^n. Êlâo dih êjai ka mâo kban, wưng hjan ang^n êbu\, du\m go\ êsei mâo anak aneh nao sang hră bi dôk gak răng lu h^n, bohnik gơ\ hlăm yan hjan. Hlăm alu\ anei si tô hmô go\ êsei mâo 4, 5 ]ô anak ăt bi mâo  sa ]ô mnuih bi ala kơ sang ana\n nao dôk gak răng, ba phung hđeh găn nao kơ hang nah dih. Bi mlih tuôr kyua s^t êa đ^ bi dôk gak răng nanao đrông ]ia\ng ata\t drông ba phung hđeh găn hang nah dih êa nao sang hră”.

Hà Văn Đề, mnuih [uôn sang ti alu\ Thanh Sơn brei thâo: kban anei amâo djo\ kno\ng đru mnuih [uôn leh ana\n phung hđeh hriăm hră h’^t ai tiê găn êrô hlăm yan hjan êa lip đui] ôh, [ia\dah lo\ đru kơ bruă du\ mdiăng, ]h^ mnia mnơ\ng lo\ hma mơ\ng mnuih [uôn sang hlăm kr^ng ăt mâo klei găl êlưih h^n, amâo mâo phung ghan mnia nga\ bi kp^ ênoh ôh:

“ Êlâo dih ka mâo kban anei, snăn bruă du\ mdiăng mnơ\ng ]h^ mnia hla\m yan hjan ti anei bo\ ho\ng klei dleh dlan. Mơ\ng hruê mâo kban anei snăn klei ga\n êrô êlan klông găl êlưih h^n, mnuih [uôn sang duh [ơ\ng, ]h^ mnia amâo mâo phung ghan mnia nga\ bi kp^ ênoh ôh. Mơ\ng hruê mâo phung kmah thâo pap, mđing  nga\ mkra brei kban kơ mnuih [uôn sang ti anei, si la] he\ phung hđeh nao sang hră găl êlưih h^n, êđăp ênang h^n. Êlâo dih ka mâo kban anei, grăp blư\ truh yan hjan truh Êpul kiakriê ma\ pô mơ\ng alu\ alu\ ruah mă mnuih nao kơ kban dôk kriê dlăng phung hđeh nao sang hră”.

Kban [ê tông, gơ\ng msei dlông 21 met mko\ 2 nah hang hnoh êa Rơ\t, jing 1 hlăm du\m boh kban mâo “ Huôm hdruôm hră mtru\t mjhar brua\ hriăm hră {uôn pro\ng Hồ Chí Minh” bi hgu\m ho\ng brua\ Đoàn să Vụ Bổn leh ana\n Êpul bruă ba ana\p Tây Nguyên ngă mkra ho\ng ênoh prăk duh bi liê 190 êklăk prăk. Lê Ngọc Tú,  K’iăng khua Knơ\ng bruă sang ]ư\ êa să Vụ Bổn brei thâo, leh kban dưi ngă mkra, Knơ\ng bruă sang ]ư\ êa să iêu la] leh mnuih [uôn sanglo\  po\k phai êlan klông đru mguôp mb^t ho\ng brua\ knu\k kna alu\ wa\l mko\ mkra kr^ng [uôn sang mrâo:

“ Êpul bruă Đoàn să mâo klei ktrâo k]e\ đru nga\ mkra 1 boh kban [ê tông, alu\ wa\l dla\ng bi myuôm êdi ai tiê su\ng adru\ng mơ\ng êpul bruă đoàn hlăm hdră đru mđ^ kyar bruă duh mkra ho\ng klei găl êlưih kơ mnuih [uôn sang leh ana\n đru hlăm klei hriăm hră ăt mse\ mơh đru mguôp mko\ mkra kr^ng [uôn sang mrâo mơ\ng alu\ wa\l. Mb^t ho\ng ana\n, alu\ wa\l êngao kơ dôk hdơr nanao kơ ai tiê mơ\ng êpul bruă đoàn, snăn ăt nao ai, iêu la] mnuih [uôn sang alu\ Thanh Sơn ba myơr lăn c\ia\ng po\k pro\ng êlan mơ\ng 2 met truh kơ 4 met leh ana\n tuh leh lăn, alu\ wa\l lo\ đru mguôp prăk duh bi liê mưn êdeh ]uk hli lăn đru alu\ wa\l êrô êbat găl êlưih h^n hlăm yan hjan êa lip”.

Kban Thanh Sơn găn hnoh êa Rơ\t dưi ba yua djo\ hlăm wưng bi hdơr hruê mphu\n mko\ mjing Ala ]ar, prăp êmiêt mphu\n po\k thu\n hriăm mrâo, mjing ai êwa hơ\k m’ak kơ du\m êtuh go\ êsei mnuih [uôn sang ti să Vụ Bổn, kdriêk Krông Pa], ]ar Daklak. Bruă ngă mâo klei tu\ yuôm anei mơ\ng brua\ Đoàn êdam êra să Vụ Bổn leh ana\n Êpul bruă ba ana\p Tây Nguyên năng bi mpu\ êdi./.