Mkŏ mjing mơ̆ng hrue anei truh hrue 10/12, anei jing gưl tal êlâo klei rang mdah bruă lĭng kahan mâo mkŏ mjing ti ala čar drei. Tui si hdră, ti knăm pŏk klei rang mdah anei kahan êdeh phiơr Việt Nam srăng phiơr mdah klei k’kuh mơak bruă rang mdah. Êpul phiơr mdah anăn mâo êpul êdeh phiơr Dăkwăk, lehanăn êdeh phiơr mplĕ bom SU-30MK2 phiơr ti hnơ̆ng giăm hŏng lăn hlăm wăl adiê Hà Nội.

Anei jing sa hlăm dŭm klei phiơr dleh hŏng êpul nao mdua boh êdeh phiơr Dakwak, 4 boh êdeh phiơr dăp rup mta dhar mđrĭng hŏng êpul êdeh phiơr mplĕ bom mơ̆ng Trung đoàn 927. Mdê hŏng dŭm gưl phiơr hiu suang răng mgang wăl adiê lăn čar, tal anei, êpul phiơr nao hlăm dlông wăl adiê Hà Nội, hưn mdah klei ktang êpul lĭng kahan êdeh phiơr čiăng mjing klei mdah siam kơ mnuih ƀuôn sang lehanan mah jiăng ala tač êngao dlăng./.