Bi ala kơ phung khua kiă kriê Đảng, Knŭk kna mơĭt asăp hơêč hmưi thŭn mrâo jăk siam truh kơ bruă Đảng, bruă sang čư̆ êa lehanăn jih jang mnuih ƀuôn sang djăp djuê ana hlăm čar. Khua gĭt gai Đảng bi êdah klei đru klam mbĭt hŏng klei dleh dlan alŭ wăl găn hlăm thŭn êgao, khă snăn Khua gĭt gai Đảng ăt lač, hŏng klei jing anôk ala pô mâo čar Daklak bi čuăn kjăp klei jing prŏng mơ̆ng pô.

Khua gĭt gai Đảng mtă kơ čar ruh mgaih jih klei dleh dlan dôk gun kpăk boh nik hlăm bruă lăn ala, bruă dliê kyâo, lehanăn mđĭ hĭn klei duh mkra mnia mblei. Kyuadah anei jing bruă pioh kơ klei mđĭ kyar, mbĭt anăn bi hơĭt klei êđăp ênang bruă kđi čar lehanăn yang ƀuôn, lehanăn bi kjăp klei mnuih ƀuôn sang đăo knang. Khua gĭt gai Đảng mtă kơ čar daklak mđing răng mgang kjăp klei êđăp ênang lăn čar, răng hŏng djăp mta klei, boh nik lŏ mkŏ mjing bruă sang čư̆ êamă bruă bi mâo klei bhiăn kjăp, djŏ hŏng hdră mtrŭn mơ̆ng klei bi kƀĭn prŏng gưl 14 mơ̆ng Đảng.