Tlam mbrue (11/2), ti Hà Nội, Êpul khua bi ala anôk bruă mặt trận čar kwar gưl dlông Việt Nam mkŏ mjing leh klei bi kƀĭn trông čhai tal 3 kơ ênoh phung mgơ̆ng ruah mơ̆ng dŭm anôk bruă, êpul êya hlăm gưl dlông, mgơ̆ng jing phung bi ala bruă kƀĭn ala gưl 16, djŏ hŏng klei čoh čuăn mơ̆ng hdră bhiăn klei ruah khua phung bi ala bruă kƀĭn ala lehanăn êpul gơ̆ng bruă ƀuôn sang thŭn 2015 lehanăn klei ktrâo atăt mơ̆gn Êpul gơ̆ng bruă ruah khua ala čar.

Leh klei trông čhai, mă klei blŭ kơ boh tŭ dưn klei đăo knang mơ̆ng mnuih ƀuôn sang ti anôk mă bruă lehanăn hdĭp mda, 100% jih jang phung bi ala nao bi kƀĭn bi tŭ ư sơăi hŏng ênoh 217 čô mnuih mơ̆ng dŭm anôk bruă , êpul êya gưl dlông ba mgơ̆ng ruah jing phung bi ala bruă kƀĭn ala gưl 16 djŏ hŏng klei čoh čuăn mơ̆ng hdră bhiăn. Blŭ hrăm ti anôk bi kƀĭn klei bi trông, Khua bruă mơăt trận čar kwar gưl dlông Việt Nam Bùi Thị Minh Hoài lač, klei bi kƀĭn trông čhai tal 3 mâo bi leh djŏ hŏng mta kñăm, dưi bi êdah bruă klam, klei bi sa ai mơ̆ng dŭm anôk bruă hlăm gưl dlông, lehanăn mơ̆ng phung bi ala hlăm dŭm anôk mă bruă lehanăn anôk pô mgơ̆ng ruah dôk. Boh tŭ dưn anei mâo bi mklă bruă klam mơ̆ng knơ̆ng bruă mặt trận čar kwar gưl dlông Việt Nam hlăm klei trông čhai, rơ̆ng hŏng klei êngiê ngă phŭn, djŏ hŏng ênoh čuăn mơ̆ng hdră bhiăn, đru leh yuôm bhăn kơ boh tŭ dưn klei ruah khua./.