Hdră anei dưi mdơ̆ng ti ênhă giăm 6ha, 18 adŭ hriăm hŏng 630 čô hđeh, mâo ênŭm adŭ hriăm, sang dlăng hră lehanăn anôk dôk kơ 320 čô hđeh; ênoh duh jih jang 150 êklai prăk mâo anôk bruă duh mkra hlăm Phŭn bruă lĭng kahan đru. Leh ngă, hdră anei srăng đru mđĭ hnơ̆ng tŭ bruă mtô bi hriăm kơ giăm 700 čô hđeh krĭng knông lăn, krĭng mnuih djuê ƀiă.

Blŭ ti knăm anei, Khua gĭt gai Đảng mñă, bruă mtô bi hriăm jing hdră mtrŭn mrô sa, mtă kơ Phŭn bruă lĭng kahan rơ̆ng hdră ngă, klei êđăp ênang ngă bruă, mbĭt anăn mtă kơ čar Dak Lak, anôk bruă mtô bi hriăm, bruă knŭk kna alŭ wăl mprăp jăk êpul knuă druh, hdră bruă, klei kriê dlăng, ba yua tŭ dưn anôk bruă nah gŭ leh ngă leh. Ƀri mprăp drông Têt djuê ana Bính Ngọ 2026, Khua gĭt gai Đảng Tô Lâm nao čuă, hơêč hmưi Têt kơ knuă druh, lĭng kahan kđông kahan răng mgang knông lăn Êa Hleo – êpul dôk ngă bruă klam ti krĭng knông lăn mơ̆ng čar Dak Lak./.