Êpul ksiêm dlăng mrô 5 mơ̆ng Anôk bruă gĭt gai ksiêm wĭt Hdră mtrŭn 23 mơ̆ng Anôk dlăng bruă Đảng gưl dlông tal IX mâo leh mmông mă bruă hŏng Anôk dlăng bruă Đảng čar Dak Lak kơ klei tŭ hlue ngă hdră mtrŭn 23 “Mđĭ lar ai ktang bi hgŭm djuê ana kyua mnuih ƀuôn sang mdrŏng sah, ala ƀuôn mtăp mđơr, mnuih ƀuôn sang êngiê” ti alŭ wăl.

Êpul ktuê dlăng mtă kơ Anôk dlăng bruă Đảng čar Dak lak lŏ dơ̆ng gĭt gai dŭm alŭ wăl hlue ngă jăk, tŭ dưn klei blŭ: “Mnuih ƀuôn sang thâo, bi trông, ngă bruă, ksiêm dlăng, ktuê dlăng, dưi dưn”. Dŭm êpul bruă êpul hgŭm mđĭ lar bruă klam čiăng mtrŭt mjhar mnuih ƀuôn sang, ba ai ktang bi hgŭm djuê ana jing ai ktang phŭn hlăm klei mđĭ kyar bruă duh mkra- ala ƀuôn - êđăp ênang ti alŭ wăl./.