Ti anôk bi kƀĭn, phung bi ala hưn mthâo kơ jih jang bruă mơ̆ng phung duh mkra, mkŏ mjing hlăm thŭn 2024; hmư̆ hưn mthâo kơ hdră mtrŭn mrô 72 mơ̆ng knŭk kna čoh čuăn kơ hdră êlan bi hrŏ jia ênoh ênil đĭ hlue hdră mtrŭn mrô  142 mơ̆ng anôk bruă kƀĭn ala; hdră mtrŭn 103 mơ̆ng knŭk kna čoh čuăn kơ  prăk djă yua lăn, jiă mưn lăn, hưn mthâo kơ klei rĭng jia hŏng elektronik, mâo anôk bruă jiă dôk ngă, lehanăn bi êdah dŭm klei awăt mơ̆ng phung duh mkra leh mâo klei ksiêm dlăng…

Bi ala kơ phung duh mkra, phung tuh jiă akâo kơ anôk bruă jia čar Daklak ktrâo atăt klă mngač hdră êlan mă bruă, mâo hră mơar bi klă hlăm klei bi mnia mblei hŏng ala tač êngao, čiăng kơ phung duh mkra dưi dưn ênoh tuh jia bi djŏ guôp, lehanăn ya mta nư adôk ka tuh jiă, lŏ bi ênŭm hŏng knŭk kna./.