Lŏ dơ̆ng hdră bi kƀĭn tal 4, Anôk bruă kƀĭn ala gưl XV, aguah mbruê, 24/10, ti Hà Nội, Anôk bruă kƀĭn ala bi trông ti Sang bi kƀĭn prŏng kơ bruă adôk mâo klei blŭ mdê mdê mơ̆ng Klei čih mkra Hdră bhiăn ksiêm mkă, mdrao klei ruă (mkra mlih).

Klei čih mkra hdră bhiăn anei mkra mlih mâo 12 mta lehanăn 121 klei, lu hĭn 15 klei mkă hŏng klei čih mkra ba mdah kơ Anôk bruă kƀĭn ala ti Klei bi kƀĭn tal 3, lu mta phŭn dưi čih klă ênŭm ƀiădah ăt dôk dŭm mta klei brei mkra mlih. Hdră bhiăn ksiêm mkă, mdrao klei ruă jing hdră bhiăn yuôm bhăn mơ̆ng Anôk bruă mdrao mgŭn, tă hdră kriê dlăng lehanăn klei đĭ kyar h’ĭt kjăp mơ̆ng hdră răng mgang, kriê dlăng klei suaih pral mnuih ƀuôn sang, mâo klei hmăi truh kơ mnuih ƀuôn sang ăt msĕ mơh anôk bruă mdrao mgŭn, knuă druh bruă mdrao mgŭn, mâo mnuih ƀuôn sang, anôk bruă mdrao mgŭn čang hmăng, đăo knang kñăm dưi mkra mđĭ hnơ̆ng tŭ bruă dlăng kriê klei suaih pral mnuih ƀuôn sang. Kyua anăn, hdră mprăp brei ngă kluôm ênŭm kñăm rơ̆ng Klei čih mkra hdră bhiăn mâo klei h’ĭt kjăp sui thŭn./.