Anôk bruă kƀĭn ala ăt bi trông kơ Hdră čuăl mkă ba yua lăn ala čar wưng thŭn 2021 – 2030, hnơ̆ng trah dlăng truh thŭn 2050; hdră thiăm mbŏ prăk duh mơ̆ng Knŭk kna ti Knơ̆ng prăk bruă mnia mblei mguôp hnư bruă blei mnia hŏng tač êngao Việt Nam.

Leh kơnăn, phung khua hlăm Knŭk kna srăng mblang, bi mklă dŭm mta mâo phung bi ala hưn mdah. Hlăm hruê kăm mă bruă tal 3 anei, Anôk bruă kƀĭn ala lŏ dơ̆ng bi trông kơ dŭm bruă msĕ si: Hdră hluê ngă bruă ngăn prăk knŭk kna thŭn 2024, klei đăo tĭng bruă ngăn prăk knŭk kna, hdră mbŏ prăk duh mơ̆ng Gưl dlông thŭn 2025, dŭm mta mkra mlih, thiăm mbŏ hlăm klei đăo tĭng ngăn prăk knŭk kna./.