Anôk bruă kƀĭn ala bi trông kơ Klei čih mkra Hdră bhiăn lăn ala (mkra mlih)
Thứ năm, 10:57, 03/11/2022
VOV TAYNGUYEN
VOV TAYNGUYEN
VOV4.Êđê- Hluê hdră bi kƀĭn tal 4, Anôk bruă kƀĭn ala gưl 15, mphŭn mơ̆ng tlam anei, hruê 3/11, Anôk bruă kƀĭn ala srăng êmuh, wĭt lač klei êmuh, Khua knŭk kna lehanăn 4 Khua phŭn bruă srăng wĭt kač klei êmuh kơ dŭm êpul bruă djŏ tuôm kơ hdră rŭ mdơ̆ng, bruă knuă hlăm ala čar, bruă hâo hưn mtô mblang lehanăn ksiêm dlăng.
Aguah anei, Anôk bruă kƀĭn ala bi trông ti êpul kơ Klei čih mkra Hdră bhiăn lăn ala (mkra mlih). Pô bi ala Trần Công Phàn, êpul Bình Dương lač snei, bruă yuôm jing čih mkra Hdră bhiăn Lăn ala (mkra mlih) tal anei brei hluê ngă bi knar klei dưi dưn yua lăn mơ̆ng mnuih ƀuôn sang lehanăn knŭk kna.
Brei ksiêm dlăng čiăng mbŏ dŭm klei bhiăn dưi yua lăn, amâo djŏ knŏng bi trông kơ bruă sua wĭt lehanăn jao lăn amâo dah bi mlih klei dưi yua lăn. Kơ bruă lui klei bi mklă ênoh lăn, bi mklă hluê ênoh hlăm wăl anôk blei mnia, lu phung bi ala lač, brei bi mklă dŭm klei bhiăn mâo hlăm wăl anôk blei mnia kñăm bi mklă ênoh lăn./.
Viết bình luận