Anôk bruă kƀĭn ala bi trông kơ 2 klei čih mkra Hdră mtrŭn mâo  “Lông ba yua dŭm klei bhiăn, hdră mtrŭn mđĭ kyar ƀuôn prŏng Ƀuôn Ama Thuôt, čar Dak Lak” lehanăn “Lông ba yua klei dưi ruah mrô êdeh ôtô hluê hdră bi mđĭ ênoh blei lu hĭn”, hmư̆ klei mblang lehanăn bi mklă Hdră bhiăn ruah Anôk bruă rŭ mdơ̆ng (mkra mlih). Bi trông kơ klei čih mkra hdră mtrŭn mđĭ kyar ƀuôn prŏng Ƀuôn Ama Thuôt, phung bi ala lač anei jing bruă čiăng êdi kñăm mkŏ mkra, mđĭ kyar ƀuôn prŏng anei jing anôk phŭn krĭng Lăn dap kngư.

Hlăm wưng ti anăp, Knŭk kna brei čih mkra hdră mtrŭn kơ kluôm krĭng Lăn dap kngư hluê Hdră mtrŭn 23 mơ̆ng Phŭn bruă kđi čar kơ hdră mđĭ kyar bruă duh mkra – ala ƀuôn lehanăn rơ̆ng bruă răng mgang klei êđăp ênang kluôm krĭng truh thŭn 2030, hnơ̆ng trah dlăng truh thŭn 2045, knŭk kna srăng ksiêm dlăng čiăng klei bhiăn anei mŭt hlăm klei hdĭp./.