Klei bi trông dưi mđung asăp, mđung rup mmông anăn mtam čiăng mnuih ƀuôn sang kluôm ala tui ksiêm. Hưn mdah boh tŭ hdră duh mkra – ala ƀuôn brei ƀuh, kluôm thŭn mâo 14/15 hnơ̆ng čuăn dưi mâo lehanăn êgao hdră kčah mâo Anôk bruă kƀĭn ala jao. Anei jing klei gĭr mơ̆ng jih anôk bruă kđi čar, kluôm yang ƀuôn, jing boh kdrŭt kơ mta kñăm 5 thŭn.

Khă snăn, knŏng hnơ̆ng čuăn mđĭ hnơ̆ng tŭ hdră mă bruă amâo dưi mâo. Hnơ̆ng čuăn mđĭ hnơ̆ng tŭ hdră mă bruă đăo tĭng đĭ 4,7 - 5,2%, jing ƀiă hĭn mta kñăm ba mdah mơ̆ng 0,3 - 0,5%. Anei jing hnơ̆ng čuăn yuôm bhăn hưn lač kơ ai dưi bi ktưn mơ̆ng hdră duh mkra. Hlăk hnơ̆ng đĭ kyar hdră duh mkra êgao 2% mkă hŏng hdră kčah lehanăn GDP kah knar grăp čô ăt đĭ hĭn. Ti anôk bi trông kơ hdră duh mkra – ala ƀuôn lehanăn ngăn prăk, phung bi ala čang hmăng, Anôk bruă kƀĭn ala srăng ba mdah hdră msir tŭ dưn ba ala čar drei đĭ kyar hĭn êdei kơ klei ruă Covid-19./.