Hruê mbruê 20/10, Anôk bruă kreh knhâo mrâo mrang bruă lŏ hma krĭng Lăn Dăp Kngư, ti ƀuôn prŏng Ƀuôn Ama Thuôt čar Dak Lak mkŏ mjing klei bi hdơr 25 thŭn mkŏ mjing leh anăn tŭ mă mêđai mă bruă mrô 1. Dŭm thŭn êgao, anôk bruă kreh knhâo mrâo mrang bruă lŏ hma krĭng Lăn Dăp Kngư dưi čuăn ruah tŭ jing 15 mta mjeh kphê mâo hnơ̆ng boh mnga, lu mta mjeh tiu, boh ƀơr, kakao jăk hĭn čiăng ba hlăm bruă pla mjing.

Anei jing dŭm mta mjeh phŭn hlăm hdră pla wĭt kphê, mlih hdră pla mjing ti dŭm čar krĭng Lăn Dăp Kngư. Êngao kơnăn, anôk bruă ăt nao êlâo hlăm bruă ksiêm duah, bi klă boh sĭt klei ngă bruă lŏ hma ti krĭng Lăn Dăp Kngư, jing tur knơ̆ng kơ alŭ wăl hlăm bruă čuăl mkă mđĭ kyar bruă lŏ hma – dliê kmrơ̆ng. Anôk bruă ăt mtrŭt mđĭ klei bi mguôp hŏng ala tač êngao, hlăm anăn amâo Cuba kơ klei đĭ kyar kphê kjăp. Bi mguôp hŏng Nestle hlăm bruă đru brei mjeh kphê kơ ƀĭng ngă lŏ hma.