Bi mklă êlan lehanăn bi leh hră mơar Hdră êlan êran pral Quy Nhơn-Pleiku
Thứ năm, 09:42, 10/04/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê – Anôk bruă sang čư̆ êa čar Gia Lai bi hgŭm hŏng Phŭn bruă Rŭ mdơ̆ng bi mklă leh êlan lehanăn ngă leh hră mơar čiăng ba mdah Hdră duh bi liê rŭ mdơ̆ng êlan êran pral Quy Nhơn-Pleiku.
Hdră anei dưi mprăp duh bi liê hlăm thŭn 2025 lehanăn tĭng srăng ngă leh hlăm wưng thŭn 2026-2030. Klei hưn mthâo bruă ksiêm dlăng hdră hluê ngă êlan êran pral Quy Nhơn-Pleiku hŏng ênoh duh bi liê êbeh 43.500 êklai prăk, đĭ lu mkă hŏng klei đăo tĭng mơ̆ng hdră ba mdah tal êlâo.
Hlăm hră mdah êlâo anăn, ênoh boh taih dlông kluôm ktuê êlan anei hlăm brô 123 km (kdrêč găn čar Bình Định êbeh 37 km, găn Gia Lai êbeh 85 km). Mprăp kơ hdră anei, Knơ̆ng bruă Lŏ hma – Wăl hdĭp mda čar Gia Lai mkŏ mjing leh hdră bi ktưn mđĭ ênoh tŭ jing hŏng 9 krĭng ƀăng boh tâo, lăn, mkăp kơ mnơ̆ng dhơ̆ng yua kơ bruă rŭ mkra./.
Viết bình luận