Hrue jih jang mnuih ƀuôn sang răng mgang lăn čar ti Daknông
Thứ ba, 10:45, 22/04/2025
Pô mblang: Y-Khem Niê
Pô mblang: Y-Khem Niê
VOV4.Êđê - Hrue 21/4, Êpul bruă kiă kriê, bi kdơ̆ng hŏng phung ngă soh, lehanăn mkŏ mjing bruă jih jang mnuih ƀuôn sang bi răng mgang lăn čar pia klah čŭn jing êpul khua kiă kriê, ƀuôn prŏng Gia Nghĩa, čar Đắk Nông bi mguôp leh hŏng sang hră knŭk kna čiêm rông gưl 3 N’Trang Lơng mkŏ mjing knăm anei gưl čar thŭn 2025.
Hŏng klei ktuh êyuh jih ai tiê dŭm gưl dhar bruă, boh nik êpul kahan ksiêm, êpul mơ̆ng jih jang mnuih ƀuôn sang răng mgang klei êđăp ênang hlăm čar Đắk Nông mâo leh dŭm klei bi mlih jăk, mâo leh lu mnuih ƀuôn sang bi mguôp, hŏng lu hdră mdê mdê, čŏng bi răng mgang hlăm ƀuôn sang.
Mơ̆ng bruă ngă anei, K’iăng khua kahan ksiêm Lê Văn Tuyến mtă leh kơ dŭm gưl bruă Đảng, jih jang êpul êya mtă mtăn kơ mnuih ƀuôn sang thâo săng kơ bruă klam hlăm klei răng mgang klei êđăp ênang, mđing mkŏ mjing ai ktang mơ̆ng mnuih ƀuôn sang thâo bi mguôp hlăm bruă răng mgang klei êđăp ênang kjăp mơ̆ng ƀuôn sang pô mtam./.
Viết bình luận