Hdră bruă anei mâo boh taih 110 km, truh ară mâo leh 66% hnơ̆ng, ruh mgaih anôk ala kluôm ktuê êlan găn 5 čar, ƀuôn prŏng mâo Cần Thơ, Hậu Giang, Bạc Liêu, Cà Mau leh anăn Kiên Giang bi leh 100%. Khua knŭk kna bi mni kơ klei gĭr mơ̆ng čar Cà Mau hlăm klei ruh mgaih anôk ala leh anăn rŭ mdơ̆ng Sang êa drao Cà Mau.

Khua knŭk kna mñă klă: “Čiăng kơ Cà Mau đĭ kyar snăn brei mâo tač êdeh phiơr, kdrŭn ksĭ, êlan êran pral” mbĭt anăn brei phung bi liê yua mnuih mă bruă leh anăn anôk bruă duh mkra alŭ wăl. Hŏng ai tiê “hnêč mmông huă ƀơ̆ng, hnêč mmông đih pĭt, mă bruă 3 wưng 4 êpul”, Khua knŭk kna mtă kơ Anôk bruă kriê dlăng Mỹ Thuận mđĭ ktang hnơ̆ng, kčah hdră kñăm bi leh hdră bruă, ba yua ƀri hlăm gưl hruê 19/12/2025.