Anei jing bruă tŭ dưn, bi hdơr 80 thŭn hruê mkŏ mjing lĭng kahan yang ƀuôn Việt Nam. Hlăm ai êwa hơ̆k mơak mơ̆ng ênai čing leh anăn kdŏ čhuang, mnuih Jrai ti să Ia Me, kdriêk Čư̆ Prŏng amâo dưi mdăp ôh klei hơ̆k mơak êjai mrâo sang rông siam, prŏng 140m2, tač bêtông 500m2, mâo anôk bi kƀĭn kơ dŭm êtuh čô. Ăt hlăm hruê, Binh Đoàn 15 ăt ba jao 2 sang rông ti să Ia Piơr, kdriêk Čư̆ Prông leh anăn să ia Pnôn, kdriêk Tuy Đức, čar Gia Lai. Ênoh rŭ mdơ̆ng grăp sang  rông mơ̆ng 3,3 – 3,5 êklai prăk.

Wưng anei, Knơ̆ng gĭt gai lĭng kahan Binh Đoàn 15 mđup brei hră pah mni leh anăn prăk kơ grăp êpul ngă jăk bruă klam kriê dlăng leh anăn rŭ mdơ̆ng sang rông, mđup brei 60 hnư mnơ̆ng kơ phung khua mduôn, khua ƀuôn, phung mâo kơhưm, phung djă bruă klei đăo, gŏ sang ƀun leh anăn phung mă bruă mâo klei hdĭp dleh dlan ti krĭng knông lăn čar Gia Lai.