Mbĭt hŏng kluôm ala, 8h aguah mbrue 18/7, Êpul gơ̆ng bruă brei puăng klei bi lông jih gưl 3 thŭn 2023 čar Kon Tum hưn leh ênoh puăng klei bi lông djŏ hŏng wưng kčah mơ̆ng phŭn bruă sang hră mơar. Hluê anăn, ênoh phung hđeh dưi hlăm klei bi lông thŭn anei truh 98,74%, đĭ hĭn 1,0% mkă hŏng thŭn 2022. Puăng kah knar grăp klei bi lông djăp 6,19 puăng.

Klei phŭn bruă sang hră mơar yap čar Kontum đĭ leh truh kơ 6 blư̆ lač kơ ênoh puăng kah knar gưl 3 thŭn anei, mkă hŏng ênoh thŭn dih. dôk tal dua hlăm alŭ wăl Lăn Dap Kngư. klei bi lông thŭn anei čar Kontum mâo truh 5.028 čô hđeh nao bi lông hlăm anăn mâo truh 1.700čô hđeh jing mnuih djuê ƀiă. Phung hđeh nao hlăm hdră hrŏng ruah yap ruĕ jih gưl 3 mâo 4.843 čô hđeh. Kluôm čar mâo 12 anôk bi lông hlăm 224 boh adŭ. Klei bi lông dưi yap mâo klei êđăp ênang, djŏ klei bhiăn./.