Khua Knŭk kna Phạm Minh Chính leh anăn pô bi ala Hà Vĩ lŏ ksiêm wĭt dŭm klei đĭ kyar hlăm klei mjĕ giăm Việt Nam - China hlăm thŭn 2025, bi trông kơ dŭm hdră êlan hluê ngă hdră tă mbĭt mơ̆ng khua gĭt gai gưl dlông dua Đảng, dua lăn čar, mtrŭt mđĭ klei mjĕ giăm dua tĭng lŏ dơ̆ng đĭ kyar truh hnơ̆ng mrâo hlăm wưng kơ anăp.

Khua Knŭk kna mñă brei mđĭ hĭn klei bi mguôp klă klơ̆ng, mtrŭt mđĭ klei mnia mblei bi kna, hơĭt kjăp, tĭng China mkŏ mjing klei găl brei kơ boh mnga, kan hdang leh anăn mnơ̆ng rông mơ̆ng Việt Nam mâo djăp klei găl, dưi găn ti China ba čhĭ kơ dŭm anôk mkăn. Dua tĭng ăt bi trông kơ klei bi mguôp blei mnia pui kmlă, mđĭ kyar ƀăng knang knông lăn thâo mĭn leh anăn bruă duh mkra krĭng knông lăn ti dŭm alŭ wăl knông lăn.