Khua gĭt gai Đảng čih yap, bi mni klei gĭr, boh tŭ dưi mâo hlăm wưng êgao, mñă bruă pŏk hluê ngă Hdră mtrŭn Klei bi kƀĭn XIV mơ̆ng Đảng hlăm 5 – 10 thŭn ti anăp mâo boh tŭ hŏng mta kñăm 100 thŭn mkŏ mjing Đảng lehanăn mjing tur knơ̆ng mđing truh 100 thŭn mkŏ mjing ala čar.

Khua gĭt gai Đảng mtă kơ Ƀuôn prŏng Hồ Chí Minh lŏ dơ̆ng mñă klă bruă klam ba akŏ, nao êlâo, bi sĭt bruă hluê ngă hdră mtrŭn hŏng bruă mă klă sĭt, bi mklă klei đua klam, pŏk ngă tŭ dưn dŭm Hdră mtrŭn lehanăn mkŏ mjing tŭ dưn hdră ruah phung bi ala bruă kƀĭn ala gưl XVI, Êpul gơ̆ng bruă ƀuôn sang dŭm gưl, rơ̆ng klei ngă phŭn mil pô, êđăp ênang, djŏ hdră bhiăn. Khua gĭt gai Đảng mtă kơ ƀuôn prŏng mđing ruh mtlaih klei gun kpăk kơ klei bhiăn, anôk bruă nah gŭ, mnuih mă bruă, mlih mrâo gru hmô đĭ kyar, mđĭ lar tŭ dưn dŭm klei bhiăn, hdră mtrŭn mdê hjăn, ƀrư̆ mkŏ mjing krĭng wăl ngăn prăk phŭn, logistics, mlih mrâo mâo hnơ̆ng krĭng wăl lehanăn tar rŏng lăn./.