Ti knăm drông, Khua knŭk kna lač klă: Việt Nam dôk hlăm wưng đĭ kyar čiăng dưi mâo mta kñăm “dua mrô” hlăm wưng 2026 – 2030 kñăm hluê ngă 2 mta kñăm: Truh thŭn 2030 jing ala čar đĭ kyar, mâo hnư hrui wĭt đĭ; thŭn 2045 jing ala čar mđĭ hnư hrui wĭt đĭ hĭn.

Kyua anăn, bruă mđĭ ai bi ktưn, mkŏ dăp hdră duh mkra lehanăn ba yua jih klei găl mơ̆ng bruă ñŭ kma hdră duh mkra tar rŏng lăn čiăng dưi mâo dŭm mta kñăm đĭ kyar hơĭt kj ăp. Khua knŭk kna mtă kơ Adŭ bruă Mnia mblei lehanăn tuh tia mkra mjing Japon ăt msĕ mơh Dhar bruă Duh mkra Japon – Mekông lŏ dơ̆ng bi hgŭm hŏng Phŭn bruă Ngăn prăk Việt Nam lehanăn dŭm anôk bruă djŏ tuôm ngă kdrông mkŏ mtrŭt mđĭ hdră duh bi liê mơ̆ng anôk bruă duh mkra Japon, boh nik brei mtrŭt mđĭ hdră bi mlih jao kdrăp mrâo lehanăn đru kơ anôk bruă duh mkra Việt Nam mđĭ ai bi ktưn hlăm hgŭm hlăm hdră mkra mjing, mđĭ boh tŭ yuôm mơ̆ng dŭm anôk bruă duh mkra, êpul grŭp prŏng mơ̆ng Japon./.