Phung khua čar Dak Lak nao čuă, hơêč hmưi Têt gŏ sang ƀun lehanăn gŏ sang knŭk kna dlăng ba
Thứ ba, 11:06, 10/02/2026
Pô mblang: H’Nêč Êñuôl
Pô mblang: H’Nêč Êñuôl
VOV.Êđê – Êpul mă bruă mơ̆ng čar Dak Lak mâo Lương Nguyễn Minh Triết, Khua bruă Đảng čar ngă khua êpul nao čuă, mđup brei mnơ̆ng Têt kơ gŏ sang ƀun, gŏ sang knŭk kna dlăng ba ti alŭ wăl să Ƀuôn Đon ƀri wưng Têt djuê ana Bính Ngọ 2026.
Ti dŭm anôk nao čuă, phung khua čar Dak Lak mñă: Đảng, Knŭk kna lehanăn čar mđing mă mnuih ƀuôn sang jing phŭn, bruă dlăng kriê klei hdĭp mnơ̆ng dhơ̆ng, ai tiê klei mĭn kơ mnuih ƀuôn sang jing mta kñăm, jing boh kdrŭt mđĭ kyar.
Khua bruă Đảng čar Dak Lak Lương Nguyễn Minh Triết mtă kơ bruă Đảng, bruă knŭk kna lŏ dơ̆ng ksiêm dlăng, mđing kơ gŏ sang knŭk kna dlăng ba, gŏ sang ƀun, mnuih mâo klei đru ala ƀuôn, rơ̆ng kơ jih jang mnuih dưi drông Têt djuê ana hơuh mđao, djăp ênŭm.
Viết bình luận