Leh giăm sa thŭn mtrŭt mjhar, anôk bruă klei mrâo kơ bruă mkŏ mjing Đảng čar Kon Tum gưl tal 2 thŭn 2022 mâo mă êbeh 160 klei čih bi lông mơ̆ng 130 phung bi lông, êpul bi lông. Dŭm klei čih mâo akŏ hlăm bruă mkŏ mjing Đảng. Hlăm knăm ksiêm wĭt, Êpul mkŏ mjing mđup brei leh 1 klei pah mni A, 8 klei pah mni B, 12 klei pah mni C kơ dŭm mta klei mrâo msĕ si kđăm hlăm hră, điện tử, mđung rup leh anăn mđung asăp.

Ăt hlăm knăm anei, Bruă Đảng čar Kon Tum mtrŭt mjhar leh klei bi lông bruă klei mrâo kơ bruă mkŏ mjing Đảng čar Kon Tum gưl tal 3 thŭn 2023. Hluê anăn, mnuih ƀuôn sang Việt Nam hlăm leh anăn êngao čar mâo klei čih bruă klei mrâo hlăm bruă mkŏ mjing Đảng mơ̆ng čar Kon Tum mđung leh hlăm dŭm mta bruă klei mrâo dưi nao hlăm klei bi lông.