Hluê si klei hưn, thŭn 2022 kluôm mnơ̆ng dhơ̆ng yang ƀuôn ti alŭ wăl čar mâo êbeh 17.600 êklai prăk, đĭ 9,5% mkă hŏng thŭn dih. Hnư knŭk kna hrui wĭt đăo knăl mâo 4.000 êklai prăk, mâo ênŭm hdră kčah alŭ wăl jao leh. Hluê si bruă Đảng čar Kon Tum, klei đĭ kyar kluôm mnơ̆ng dhơ̆ng knŏng mâo mă 9,5% amâo mâo djăp hdră kčah hluê si hdră mtrŭn ba mdah jing 10% kơ dlông.

Hlăm sa hruê, klei kƀĭn kñăm bi trông, brei boh blŭ kơ dŭm klei hưn hlăm bruă mđĭ kyar bruă duh mkra ala ƀuôn, bruă lĭng kahan, klei êđăp ênang, mkŏ mjing Đảng, bruă kđi čar thŭn 2022, hdră tă, bruă klam thŭn 2023. Hdră mkăp čuăl mkă čar Kon Tum wưng thŭn 2021 – 2030 leh anăn dŭm mta phŭn yuôm bhăn mkăn.