VOV4.Êđê- Ƀri wưng bi hdơr 66 thŭn hruê knhuah gru êpul hgŭm bruă hđeh êdam êra Việt Nam, ti kdriêk M’Drak, bruă Đoàn čar Dak Lak mkô̆ mjing lu klei ngă bruă sa ai hŏng Hđeh êdam êra ngă bruă hŏng lu mta bruă klă klơ̆ng. Bruă Đoàn čar Dak Lak mkŏ mjing knăm ba jao hdră kuič mngač êlan ƀuôn ti alŭ 2, să Ea Hmlei, kdriêk M’Drak, hdră anei mâo boh tiah 1 km, mâo 20 boh pui mngač êran hŏng pil yang hruê ti ktuê êlan êlan dơ̆ng phŭn, mâo ênoh jing 45 êklăk prăk.

Kčưm rŭ mdơ̆ng 2 sang čhiăm hrah kơ hđeh sang hdă mâo klei hdĭp dleh dlan ti 2 să Ea Riêng leh anăn Čư̆ Mtar, kdiêk Mdrăk, grăp boh sang mâo ênoh 60 êklăk prăk. Wưng anei, Dŭm êpul bruă đoàn kdriêk leh anăn nah gŭ ti čar Dak Lak hrăm mbĭt mkŏ mjing dŭm mta bruă sa ai hŏng hruê Hđeh êdam êra hrăm mbĭt ngă bruă hŏng lu mta bruă klă klơ̆ng msĕ si: Rŭ mdơ̆ng sang klei khăp, sang bi mguôp, boi doh wăl hdĭp mda, ba jao anôk djăt êa doh, mđup brei hnư mnơ̆ng, klei đru hriăm hră mơar kơ hđeh sang hră ƀun ƀin.

VOV Tây Nguyên/Pô mblang: Y-Bel