Klei bi kƀĭn anei ksiêm kơ jih bruă adôk hlăm thŭn 2024; lehanăn čoh čuăn bruă kơ thŭn 2025 mbĭt anăn ksiêm kơ dŭm bruă mkăn tui si klei dưi. Blŭ pŏk klei bi kƀĭn Khua bruă kƀĭn ala Trần Thanh Mẫn brei thâo, hlăm dua hrue mkŏ mjing klei bi kƀĭn, mă klei hriăm mơ̆ng klei bi kƀĭn tal 8, bruă kƀĭn ala gưl 15 lehanăn jih jang bruă mkŏ mjing klei bhiăn mơ̆ng anôk bruă kƀĭn ala thŭn 2025, mă klei blŭ kơ bruă mprăp kơ klei  bi kƀĭn tal 9 mơ̆ng anôk bruă kƀĭn ala.

Mơ̆ng anăn bruă kƀĭn ala srăng mâo klei bi kƀĭn mjêč hlăm knhal jih mlan 2.2025 čiăng bi mlih dŭm klei bhiăn djŏ tuôm mơ̆ng hdră bhiăn mkŏ mjing bruă kƀĭn ala, hdră bhiăn mkŏ mjing knŭk kna, hdră bhiăn mkŏ mjing bruă sang čư̆ êa alŭ wăl. Dhar bruă gĭt gai bruă kƀĭn ala ăt srăng mă klei blŭ kơ 07 mta bruă klei kơ ngăn prăk. Khua bruă kƀĭn ala Trần Thanh Mẫn ăt mtă brei bi leh pral jih jang bruă bi mlih klei bhiăn, dăp wĭt mnuih mă bruă bi khuăt, kjăp ba wĭt klei tŭ dưn./.