Hdră mđĭ kyar bruă duh mkra ala ƀuôn mơ̆ng Khua knŭk kna Phạm Minh Chính hưn mdah hlăm hruê pŏk klei kƀĭn bruă kƀĭn ala lač klă mtă kñăm lŏ dơ̆ng rơ̆ng kjăp bruă duh mkra hnơ̆ng prŏng, ksiêm dlăng klei prăk luč ênoh, mtrŭt mđĭ klei đĭ kyar, rơ̆ng dŭm klei bi kna mơ̆ng bruă duh mkra. Ksiêm dlăng mâo boh tŭ dưn dŭm mta klei ruă tưp.

Hlăm 12 êpul bruă klam, hdră êlan mâo knŭk kna ba mdah, kñăm tal êlâo kơ bruă rơ̆ng kjăp bruă duh mkra hnơ̆ng prŏng, ksiêm dlăng klei prăk luč ênoh, bi kluôm klei kiă kriê, mđĭ hĭn boh tŭ bruă hluê ngă klei bhiăn ala čar. Mtrŭt mđĭ bruă gang mkhư̆ klei ƀơ̆ng ngăn, klei amâo mâo jăk, mđĭ hĭn klei ƀuah mkra, klei ksiêm dlăng mơ̆ng knŭk kna. Kñăm kơ bruă mđĭ kyar kluôm ênŭm leh anăn hrăm mbĭt dŭm mta bruă dhar kreh, rơ̆ng klei bi kna plah wah bruă mđĭ kyar bruă duh mkra hŏng dhar kreh, ala ƀuôn, rơ̆ng klei hơĭt hlăm yang ƀuôn, mđĭ hnơ̆ng klei hdĭp mnuih ƀuôn sang.