Phung bi ala bruă kƀĭn ala bi trông ti anôk bi kƀĭn kơ dŭm klei hưn mdah mơ̆ng sang phat kđi yang ƀuôn gưl dlông, khua kiă kriê anôk bruă phat kđi gưl dlông, bruă gang mkhư̆ phung ngă soh leh anăn ngă soh hŏng klei bhiăn ala čar, bruă ƀuah mkra leh anăn bruă gang mkhư̆ klei ƀơ̆ng ngă thŭn 2022.

 Dŭm klei ngă soh djŏ tuôm hŏng knơ̆ng bruă Việt Á, Anôk bruă bi ala, Phŭn bruă hŏng tač êngao, Êpul grŭp FLC… leh anăn dŭm klei mkăn djŏ tuôm hŏng phung ngă soh ƀơ̆ng ngăn leh anăn bruă păn hlăm wưng êgao dưi ƀuah mkra ktang phĭt leh anăn klă mngač, mâo knhuah bi mhŭi leh anăn mtô mjuăt. Ƀiădah, phung ngă soh djŏ tuôm hŏng klei ƀơ̆ng ngăn leh anăn bruă păn ăt ka mâo ôh klei hrŏ, ƀiădah lŏ đĭ êjai, truh kơ 33%. Ti anăp klei bi trông kơ mta phŭn anei, phung bi ala bruă kƀĭn ala mñă bruă hlăk mblang êlam hĭn leh anăn mâo hdră êlan bi hrŏ, msưh kdŭn phung ngă soh ƀơ̆ng ngăn leh anăn bruă păn.