Lŏ dơ̆ng klei bi kƀĭn  tal 8, hruê anei 7/11, Bruă kƀĭn ala mă bruă ti anôk bi kƀĭn, bi trông kơ hră čih hdră bhiăn mlih mrâo, mbŏ dŭm mta klei hlăm Hdră bhiăn Chứng khoán, Hdră bhiăn ksiêm yap, Hdră bhiăn ksiêm yap êngiê, Hdră bhiăn Ngăn prăk knŭk kna, Hdră bhiăn kriê dlăng, yua ngăn drăp knŭk kkna, Hdră bruă kriê dlăng jia, Hdră bhiăn kriê pioh ala čar leh anăn hră čih Hdră bhiăn pui kmlă (mkra mlih).

Bruă kƀĭn ala bi trông kơ hră čih Hdră bhiăn pui kmlă (mkra mlih), hlue si hră hưn mdah, hră čih Hdră bhiăn pui kmlă leh 20 thŭn pŏk ngă leh anăn 4 blư̆ mbŏ, ƀiădah truh ară anei ăt dôk mâo klei ka dưi ngă djŏ hdră kñăm pŏk ngă hdră êlan Đảng hŏng bruă êa pui êwa čuh leh anăn pui kmlă. Hră čih Hdră bhiăn pui kmlă (mkra mlih) mâo 9 kdrêč hŏng 119 klei đĭ 60 klei mkjă hŏng hdră bhiăn hđăp. Hlue si pô bi ala Nguyễn Quang Huân, êpul Bình Đương hră čih Hdră bhiăn brei mâo klei kčah klă klơ̆ng kơ êa pui êwa čuh lŏ mkra mjing čiăng mđing kơ êa pui êwa čuh mtah. Klei ksiêm hriăm hră čih Hdră bhiăn pui kmlă (lŏ mkra mlih) pô bi ala Cẩm Hà Chung, êpul Phú Thọ lač hră čih hdră bhiăn kčah msir mgaih klă mngač, ñĕ kơ klei dleh hlue ngă.